超慘 4點訓 8點醒 因為約咗人踢波 有好多稀客 lo yong 鋒霸 hch添

開頭冇波踢 擾攘咗陣 四圍搵波 咁早冇人嚟 之後索性甲錢買個新嘅

一陣有3個求星嚟 加埋我哋e邊9個 6打6 踢到12點 俾人清場 冇癩

冇踢咁耐波 唔多唔少d球技有生疏到 我果隻右腳個5隻腳指又唔爭氣

冇啦啦篤魚蛋咁篤 利路都要塞下塞下咁 但一落到場就唔同講法喇

落到場度 跑得 跳得 射得 連腳嘅痛楚都唔記得 踢得好舒服

氣氛俾佢哋d搞笑嘢 嘈嘈鬧鬧 對罵 整到好和諧

佢哋之後話去打麻雀 有機會去我度嫁 可惜我細細妹咁遲起身丫

搞到你哋空歡喜一場 sorry呀~

12點幾返到屋企 好眼睏丫 平時冇1,2點都唔起身ge 選擇唔訓過

細細妹同阿媽去拜年 一個人係屋企冷冷清清 不過哩d生活都慣晒嫁喇

假如有個人隨時隨地都可以俾我約出街 睇戲又好 傾閒計就好啦

夜晚6,7點佢哋番嚟 3個人打邊爐 暖笠笠  

一個禮拜內 突然間多咗好多高科技電子產品係屋企

電話有 手提遊戲有 電腦都可能會係哩排有多部喇

同細細妹對打 鑿到手抽根 又夜一夜先訓喇