番學嘅日子上晝起身都唔願啦 更可況唔駛番學嘅今日

照舊禮拜日上晝9:00踢波 我起身嘅時候往往係9點鐘前後果十五分鐘 好奇怪

奇怪在計埋今日3次踢波 都係自己鬧鐘響唔起身 要人打嚟我先肯嘅

琴日開始落雨 但d人話都想踢 我叫人都叫咗十個人~ 口頭上係應承嘅

好開心 我時間上係遲咗到 實質上我係最早嚟果個 我9:15去到球場

先陸陸續續見到佢哋嚟 以一向準時到嘅柏林,肥佳都遲 原來係有原因嘅

肥佳話 早知你哋實遲到嫁啦 所以我先遲d嚟 佢講得真係冇錯嘅

咁早踢上晝9:00 我真係好難前果日12點前訓嘅 哩排都係次次人哋打嚟 我先醒嘅

睇嚟我哋真係要認真咁撿討下 冇可能要準時嘅等咁耐嘅 一係下次約個另一時間

9:30~要嚟嘅都嚟喇 6個唔夠人踢嫁 估唔到嘅係杜b同梓良會嚟 落住雨射下波

10點 有人嚟 鬥得波 我成鬼廿日都猜輸 唔咪我冇得踢 就係我打龍 >.<

不過 踢得好興奮 贏咗好多場 點幾踢到攰 走人哪

番到屋企唔單只我冇飯食 連細細妹都冇呀 都唔知個個阿媽同阿爸做乜鬼嫁

兩個都出咗街 錢又冇留低 唔~冇所謂嘅 屋企大把嘢食 餓唔死我哋嘅

食埋晚飯 9,10點到冇嘢好做 鼠入個被豆到 聽歌 聽聽下訓著咗 超早訓著喎 唔知咩事