其實我真係唔介紹今日淨係番兩粒鐘學呀 反正只要跟住你哋 之後嘅時間總會有著落嘅

1:30上完堂 除咗阿奶走咗之外 lunclub全員都留底 係下面 搞下個會員生日嘅嘢

super同阿細&阿lo 有事走先 之後淨低7條lun猶疑一陣去邊好

你哋擺到明恰我啫 3個去琪琪度 3個出旺角 好采我都唔弱 識得轉移你哋視線 傾緊去邊嫁嘛 冇啦啦 變咗玩類似"糖黏豆"嘅遊戲

我知果陣大家都肚餓嫁喇 乘機屈阿霖機  屈佢請食飯 師傅話食雲南米線喎 琪琪,馬仔唔去 又走埋

於是5個人出旺角 食雲南米線喇 去到隔離臺有個b 叫嘢前同佢玩咗陣 d嘢細細粒,得意就會有人覺得可愛嫁喇

食埋嘢都3點喇 一向鐘情打機嘅師傅 今次出奇地唔急於打機 反而想行陣街 睇下嘢 係冇人反對嘅情況下 就去行喇

一行 行到瓊華 (有目的嘅 買背囊喎 做新lunclub信物) 睇背囊 冇即刻買到 由上層睇番落底層 4:00臨走先買番

哩個買背囊做信物嘅提議 冇計錯係師父定阿霖 因為係師父一開始就有個背囊 阿霖又想買好耐啦

但得佢哋兩個有買到 我帶唔夠錢冇買到 小達掛住睇書可能唔知有件咁嘅事 秋好想買橙色嘅 唔知點解冇買到

我覺得哩個建議幾特別丫 11個lun人一齊咩背囊(同款唔同色)番學 超癢眼 不過要成事有d難

事關師父已經獨佔3個顏色[紅,黃,藍] 阿霖又買咗個紫 可以話可以揀嘅色愈嚟愈少

加上間鋪唔知有冇11隻咁多色喇 就算有都好啦 要人人o岩先得嫁

跟住有人去拎錢 咁o岩對面嘅東京銀座有兩位表現欲有強嘅人喇 show off 引嚟好多人圍觀

唔講唔知原來係東京銀座請番嚟做宣傳嘅 我開頭以為佢哋係傻下傻下個d嚟嫁

跟住跟佢哋去MK88 同阿霖玩籃球機 之後都冇玩過D乜喇 淨係睇佢哋玩

5:00~SUPER同阿細 冇啦啦嚟到 師父仲打緊喪屍 阿霖走 6:00~臨走 一齊玩咗鋪MRICO又去瓊華買背囊

原本SUPER想買紫色嫁 不過俾阿霖買咗 佢後尾改買白色 同阿細做黑白雙剎

喔~又少咗兩隻色揀哪 我E家可以揀嘅色係啡色 不過暫時冇 ><