禮拜三 最難頂嘅禮拜三

番8:30 好驚起唔到身呀 於是琴晚特別早12點~訓教 今日7:00知醒

8:30前番到去 人嘅唔多 肥佬王又未到 個課室好冷清 之後 人陸續番嚟

有人冇著到制服番呀 但佢哋都有被點名 冇聲冇色咁就上咗兩個鐘

佢係落咗堂先嚟講喎 話今日係佢同我哋嘅最後一堂喎

自己覺得好奇怪囉 下學期先o岩o岩開始 不過冇再三理佢喇 以為哩d係IVE嘅傳統啦

跟住上英文 又兩個鐘 好辛苦撐到 以為上完就可以食飯 超慘

好啦!上Xavier啦 上多兩粒鐘啦~ 餓到唔覺肚餓喇 問到上學期foint office嘅分佢話唔知

佢又話上學期尾嘅教師評估 都唔知我哋點寫佢喎 一講到果份嘢 諗起肥佬王果份

我哋班有n咁多人寫到肥佬王一文不值 原來肥佬王嘅離職唔多唔少係關我哋事

冇牙老虎一樣可以咬死人 搞到一個老師冇得撈 好唔開心囉

終於放lunch 出去買燒味飯食 冇乂燒 唔開心 叫燒鵝飯 燒鵝冇肉嘅 唉~

英文又要上兩粒鐘喇 飯氣攻心 恰咗⅔堂 師傅落堂果陣同我講咗一番忠言

忠言梗係逆耳嫁啦 當時好唔鉅嫁 但係細心諗落 自己英文又唔掂 上堂又唔俾心機

我認嫁 佢講得我好o岩 同我講哩番說話 都係出於好意 想我好嘅