今日番咗4個鐘學
眨下眼就上完

又要開工喇
換衫果陣見到好多西裝友係寫字樓
原來係老細翔哥個老細ge老細
大家都係叫經理
翔哥係分店經理
華哥則係分區經理
今日見到d西裝人就通通係業務經理
哈~大得誇張
 
阿媽-梅姐太神經質喇呱今日
好似淆晒底咁 驚乜驚嘜咁
平時d頭髮都係咁長嫁啦~
我冇笠頭好耐喇
今日冇啦啦要我笠番
我話冇咗笠好耐 
佢俾個新我 咩10蚊
唉 煩過我阿媽多多聲
 

老細哩排都好常係我番唔到夜個兩日俾我放假
上個禮拜係啦 今個禮拜都唔例外
今日ge任務淨係做番個全職學生 
番學 放學番屋企 夜晚做下功課 溫下書... 

今日係"星期日"

dayoff 兼唔洗番學 呵呵

今日拾下拾下(番10收10)

冇預早番係公司早餐
因為星期日早市通知都係哩d鐘數多人
費時排隊哎嘢食
個個掛住理客 冇人應我啦
屋企食d嘢先計好鐘數出門
換好衫 準時入檔 如我所料
好多人排隊拎早餐
賣下哩樣 個樣又停
將d客人一批一批咁上餐 好掂丫~
每次call5,6杯嘢沖 唔係一大咋call埋嚟
總算有效率......

午市放飯 小人企檔 燒味又上牌
自己顧沖嘢 又要幫嗲哋係忙d
茶市係好d 嗲哋果邊有老細搞掂
梅姐又時不時係我沖唔切果陣幫拖
間唔中覆call 四眼妹番工前去咗最多人個段

夜晚就衰d 廚房班人出d唔出d 我哋成日要追call
你麻煩d 搞到亂咗
同琴日一樣 好早收完糠
已經食埋嘢都有成15分鐘剩
等打卡又冇嘢做 哩15分鐘 反而難過

lunclub ge副會長老女人今日生日
佢又老了一年喇~

本應有活動嫁 就係落bar喇
之前未夠秤就話唔得啫
e家夠秤喇 又有機會去見識見識@@
最後都係想有人陪 但冇人陪冇去到
所以琴晚放完工就番屋企
 
番學度好在早放 唔洗點半至走得 我先有時間食飯咋
茶市一開波就好多人 但只限燒味
翔哥入一入嚟散完條龍之後就冇咗入檔
4個人企成星期最忙d時間喇
沖得好舒服 仲以為少咗客添
原來個茶市同以往比個生意都差不多

臨cut機前好冇人嚟 好快就收完糠
等打卡 哈