放學後 在車上 眼睛灑下雨點

最近我開心係幾時??? 

祝自己生日快樂先!!!
祝福ge短訊以為會收得好多啦
以為有人會特別幫我慶祝啦
以為會見到我想見ge人啦
到頭嚟 失望回來

起身換衫就番工
四眼妹off　要我帶住個新人真係想死
尤其係下晝茶市　忙到踢腳囉
自己就好似一個單親”爸爸”照顧個ｂｂ咁
佢一行開不知幾好　最好係最忙個陣行開添呀
”爸爸”回復自由身　幾好

晚市小ｄ人　我走去企中檔　留佢企水自己搞囉　
唉∼聽ｃａｌｌ唔清　都要係自己嚟
見到佢　唯有苦笑罷
下個禮拜又要帶佢喇∼攞命呀＞＜
 

雖然琴日夜番 但同平時一樣兩,三點瞓
今日番9半都唔理 結果9點先醒 係唔願醒 勁想瞓過
無奈要番學 遲咗番嫁 但中文阿sir例牌10點點名
我逃過計遲到ge命運
點完名就恰咗 瞓到昏迷 唔係我發夢聽到好似阿琪有人叫我
我都唔醒 完來阿琪真係叫我 送隻出奇蛋俾我
咩去ok,7仔隔價買番嚟 請人食喎
雖然唔知隻蛋係未生日禮物啦
只要係佢買ge 我就開心喇(有禮物收喎)

accounting派卷 比想像中高分 但又唔係合格囉
個個都pass咁制囉 不過我預咗嫁啦
冇失望 唯有留心上堂啦.....留心咗大半堂
要表都計好 而且個答案仲啱嫁添 =]
落堂  諗住hoiki,阿琪佢哋可以同我食餐晏
預祝我生日嫁嘛 做節累事囉~
鼠一聲走晒 結果我同咗堅,sky個d入元朗

金帶我哋去佢間鋪食雲南米線 仲請我哋十幾個飲嘢
堅知我生日 請我食咗餐
之後佢哋打機 自己冇節目又跟埋去喇
咁上下5點 搭車番工

乜請咗新水吧咩 要我帶佢ga 超怕怕
睇番佢犯ge錯 做嘢ge速度 諗番自己新嚟做又咪係一樣/3\
雖然見到佢沖嘢慢 阻頭阻勢咁 真係好想
最後自己做自己嘢 佢沖唔掂咪自己沖番係咁多


 

icem要交ppt兼pre 好彩d人交手指 要移d file落部腦到
搞到今日pre得10個人 加上有人自動pre
我未點準備ma  可以2009至pre haha

5半放學出旺角 約6半勁趕囉 唔搭鐵喇
太耐冇遊巴士河喇 有67就搭 打機 時間好快過
荃灣轉鐵 俾個肥佬迫埋一邊 勁唔舒服

6半過d到 都唔齊人 kiki,小達唔嚟
7點等齊人 諗去邊好 唱k食buffet喎 於是睇價
neway green box 睇完都8點 neway抵d呱
加上肚堅餓 super哎我哋係咪入去嫁
早入一分鐘可以唱多一分鐘
明明話食一餐求其飯囉~

慶祝秋好正日生日 送別馬仔又預祝我奶生日
嘩~今次活動目的真多
出面唱k雖然貴 但burffetd選擇勁多又好味
可惜拎咗兩,三輪嘢就....

唔知係咪關小達冇嚟事呢?唱得唔盡興
唔知係咪關小達冇嚟事呢?馬仔唱得冇以前咁搞笑 咁放
女ge冇乜唱囉 尤其係奶 聲都唔聲=.=

多謝細份禮物 (我仲未開嚟睇 番boxing day先)
 

傳統就是傳統 不能被打破

今日公司做中學外賣 老細娟姐芳姐通頂做外賣
人人冇假放之餘都仲差個番早 冇堂丫嘛
於是番8收12 再番6收10 原來計嚟計去點都差個人
梅姐叫我收尾話我冇主見好 冇所謂都好啦
12至6冇嘢做都好啦 應承咗
番早d 諗住有條件可以俾我收9啦
原來有人番6半早過我 想搵日番工唔收尾都唔得

7點勁早起得嚟都唔夠時間番公司食早餐
我臨出門前阿媽整三文治過我 咬兩啖番工喇
上晝段時間胃痛鬼咩我不嬲都伙唔過10點都唔起身ge
一時間 唔慣 兼瞓醒冇耐就體力勞動

奇怪ge係過咗10點之後就冇痛到
之後愈做愈精神 加上聽萍講老細開夜ge趣事呢
晚市靜 一冇嘢做就攰.........終於捱到10點準時打卡閃人