禮拜三最靜嘅一日最齊人
廚房個個番晒
分工 我砌火鍋啦 砌咗30先賣得個十個
9點幾佢哋俾番d火鍋料我哋
見到都 >3<
 

原來我可以同阿君兩個人
由開市砌到小明番嚟
個度係差唔多3個鐘呀
大大話話都做咗成6,7千生意
我仲要驚今日又遲到負咗人哋 冇瞓過添
仲要對著水吧4個女人^^
夜晚俾兩老嚟踩廚房場
大佬俾華哥,雄哥搞到一棟都冇啦

今日番工出門口個陣 女朋友打嚟
佢同我講佢發燒
我知我點都要去佢度睇一睇佢
於是遲咗一個鐘番
俾芳姐發現 一入廚房佢就同我講
阿東 有d嘢唔係詐唔知就睇唔到嫁
佢話你同朱姐傾下啦~
晏晝食飯 俾朱姐o趙咗o趙
唔入肉嘅個刻 因為我相信朱姐唔會比芳姐認識我
佢鬧我嘅同時 我唔會感覺到痛
但芳姐 就一定唔同

原來我成4日冇打日記喇
記得番打得番我哩幾日做過d乜嘅話
我d記性 時間感都一定幾好啫 haha



放假同佢媽媽食埋晏先同bb出老蘭嘉年華
人太多 迫得制唔多識欣賞
始終都係行下名店 歎下冷氣 好過
由中環坐"叮叮" 掃埋落銅鑼灣
6點再落mk食飯  打多個冷消化完坐車番屯門
 

難我我聽日想放假都俾我放
俾著以前一定唔得喇

聽日我同森哥都放假
我諗個情況就好似冇咗小明同小玲咁上下
d企位冇乜唔同啫
好似今日咁上半場大佬企湯池
下半場就森哥過嚟幫下手咁
係要犧牲阿君一個 收八變收十啫
因為佢要一個人預早餐 火鍋兼聽日d火鍋料

廚房更期出咗 廚房計埋我7個
星期六 俾到我,小明,小玲放囉
我用今日嘅操作 真係想像唔到今日個廚房冇我係點
應該就一人一日嘅 佢未免太"淋"喇呱
就算大佬,森哥,君同霖叻到曉飛
4個剔乂都冇可能搞得掂囉
尤其湯池係湯池邊個做"keymen"呢!

事不關己 己不勞心 我信船到橋頭自然直
如果聽日早,午都過到 我諗問題唔大嘅^^