一日兩跘地方見足水吧咁多人
唔同環境 唔同心情
琴日講下話今日唱k lunch
效咗鬧鐘幾點幾點響 自己幾點幾點起身
最想去ge係我 最估唔到去得成ge都係我
會以為天氣凍去唔到啦~
天氣凍 被竇暖笠笠唔願走
12點幾電話嚟 意外地去得成
學阿萍話齋 二缺一 唱得唔盡慶
加上5點要番工 不過哩個半day都放得有意義ge

食完飯入檔 細娟原來仲未食
晚市個糠未轉 場未清...
好多好多嘢平時我3,4點已經搞完
冇咗我唔得呢@,@
 

水吧更期今日離奇咁失蹤幾個鐘
超靜 怪不得可以放水吧3分1ge人啦~
太無聊喇 講下笑 吹下水 哼下歌
原來聽日3劉都放假 唱k囉 驚你呀

好神心咁7點幾起身踢波
天氣凍 唔想離開個暖笠笠ge被竇
佢哋6個人到晒我係最遲去果個囉 竟然
踢4場入3球

娘親放假 學阿彩話齋"要拍個隻發瘟豬"
晏晝都冇咩嘢 有嘢都係梅姐搞到我有
頂~我遲陣入檔啫 打鑼搵我囉 
以為拉龍添 吸得半啖"氣"就仆番去
唓一個客都冇 嬲嬲哋  .\_/.

茶餐開波 梅姐叫我睇往隻珠 唔得 你嚟啦
於是佢企水一陣咋喎 又走喇喎
幫中檔 中中下 caller FK喇
收得飛嚟去唔到屙打 阿萍由點幾幫田叔喇芳姐企
caller變協燒味 中檔變caller 水吧變中檔
角色大兜亂 混亂間又一個荼餐了

新一年就到 218都應該面目全非
要走ge都會係哩一,兩個月走
2010年218ge有新面孔!?
恐怕只是多了幾個老伙子了吧
原有那朝氣,活力會隨距離年尾的日子越近
慢慢地 悄悄地 輕輕的流走......
 

天氣驟降 帶動夜晚嚟打邊爐ge人都多咗
萬四&百二個火鍋 ok多喎
廚房成四,五個人做 人工又比我多
出面得3個人砌檔 幾唔公平囉 我覺得

要講ge終於斬趁阿媽收尾
自己又一時衝動咁同佢講我下年就...(可以話衝動呱)
問我點解咋 答咗佢 佢"哦"
可能佢多嘢做唔得閒理我啦~
 

又有例子證明有一個強勁ge中檔
無論做萬幾ge生意都會好舒服
豪哥真係豪哥 不愧係做慣旺鋪 
聽日阿媽放完假番嚟 我都有d嘢係時候同佢講

聽芳姐講 要升一個人話長唔長 話短唔短
一個員工 做嘢要得哩層必定啦~
另一方面 脾氣 守時 責任心同樣重要
缺一不可 要俾人覺得你升得值 合適至得 
我有信心我做得到 但...當我走出世界看看
回頭想 這份工是最適合我的那時
我會回來  公司永遠會歡迎我的