今日照平時一樣無無聊聊咁上堂....

之後係lunch果陣....比人叫左落去搵黃sir....

心諗...死得na...預左比人話...

之後發現原來阿聰都有份....兩位Andy....都唔知話佢似我好...定係我似佢好..

落到去...果然係比人話...話筆記簿D唔知D咩...

之後上返黎....同一大班人討論梁錦雄....91讀中一...唉...

次次阿郭想澄清果陣...阿聰次次都唔比佢講...(其實澄清黎都冇用..)

之後呆呆滯滯咁過埋之後果三堂....(Cherry去左唔知邊到攞獎..可以唔洗上..好羨慕Tim...)

之後放學接近大半班留低左睇女仔籃球...

原本諗住真係冇得打既....實輸硬.....

點知..有得打wo...個個都有份落過場...都算盡曬力嫁na...又唔係成日打開..

同埋果D球證對眼都唔知生係邊...打手唔吹...2個夾一個唔吹..

我地原本諗住足球D球證廢嫁姐...原來籃球一樣咁廢...(越講越激氣)

之後輸左個罰球.....好抵呀....

之後見到佢地個樣勁Down...阿妹個樣最down...佢好似將所有責任推左落自己到咁...

算na...其實今次已經打得好好嫁na...今次既失敗咪成為下次既推動力lo

之後呢..我同,聰,藍,翔,狗,柱,zac,pele去左食吉野家...

大家用左唔洗15分鍾食完....但我地吹水吹到六點幾...

係到吹..簡眼鏡好困難...腹肌點練.....重有討論岩岩果場球

呀..重有張騰寫左張紙係寫關於我地班D男仔同女仔同邊個一齊果D na..(大致係咁na..唔多記得..)

講真..你都幾得閒....咁鍾意寫埋D咁既野既?

之後返到屋企....已經7點lo...

之後我唔知係幾時係電腦面前訓著左....

醒返..已經九點半....(係比藍call黎打機...)

之後十一點幾食晚餐...

以下係我係到發up瘋...唔洗理都得...

M....點講好呢...其實係我睇住一個女仔同一個連自己都唔知係咪鍾意既男仔拍拖開始...

其實由佢地開始拍拖之前...我已經同佢講左...E塊係板黎...佢好似死都唔信咁..

係都要撞既...我都冇辦法...就由我個主題一樣...『人唔撞過板..唔流血..係唔知咩叫痛..』

雖然痛苦既回憶能夠令一個成長....但何必令自己搞成?

如果你問我...點解我講到好似好清楚咁...

咁可能係我曾經係過來人...(中一的一件事...相信大家都知..)

當時我同佢開始左...但果陣我連係咪鍾意佢都唔知..

我依家諗返起...都覺得自己好天真...好傻(阿嬌名句...)

同一個連自己都唔知係咪鍾意既人拍拖的確.....

好辛苦...

依家諗返起....好後悔...係我人生之中最後悔既事

我覺得自己將一手既友情"早達"左...

到左E家...我仍然名記於心....因為我唔想再有同類既事情發生...

以上係我自己係到發up瘋...don"t care...

---------------------------------------------------------------------------------------------------------------

之前打左對同學既感受...我e家想打老師既感受...(不過已經好多老師已經唔記得曬..盡打na..)

第一位當然係李惠萍老師na..

你係我F.1同F.2既班主任..

我同你既感覺真係喜怒哀樂樣樣齊....

你係我到現時為止...最值得尊敬既老師....

點解??件事發生係中一果陣...

當時我既成績...簡直係差到貼地...你地有冇試過平均分可以去到唔合格呀???(中一wo...好簡單嫁炸wo果陣)

當時...我根本當讀書係廢嫁..讀黎都曬氣.....已經係放棄曬..

所以我堂堂咪剩係掛住傾計lo..成績...唉..

之後...突然有一日..你叫左我起身

你當住全班面前...係到話我...重話我"你已經係全班第尾嫁na..重掛住玩..你自己諗下na"

當時我對你既感覺真係...唔明點解你要係全班面前咁話我

我唔理你當時係有心激我定有心話我

不過果一刻係我人心中既轉折點....

由果一刻開始

我發誓唔會再衰比其他人睇..無論係老師定係同學

所以之後我D成績好努力追返上黎...到左依家...算係咁na..

不過你做我地既班主任....我地全班都好開心..

因為你真係用心...全心全意幫我地班

每一次搞活動...你都係做得最多野果一個...雖然有時會哦e家哦果樣..

不過我到左依家...我都好尊敬你...

之後就係MISS Chan(中一既副班主任,依家既電腦堂老師)

其實我覺得你做老師真係好岩,,,

你好識關心同學...就算係D成績既同學都係...(姐係我..)

我重記得中一果陣你都有份激勵我..

果陣...咪有封信話寫將來做D咩職業之類之類既野na...

我記得我寫左會計師....

佢同我講....E條路好艱難....如果你e家重唔努力既話...就冇機會嫁na...

之後重講左好多野嫁...果陣我重眼濕濕Tim..(果陣F.1青頭仔...眼濕濕都好正常姐..)

我係你地兩位老師身上明白到...

人唔努力...係唔會有將來嫁...

即時你依家係一條柒黑既隧道到...見唔到光明...但只要你肯一路行落去...總會有光明嫁...係會有出口嫁

好na..今日都差唔多na

拜~