今朝起身超眼訓...

返到學校又好似死屍咁訓係到...

歷史堂訓下訓下就咁過左...

英文堂Miss kong今日食左火藥咁...係咁話人...

雖然我地的確冇用心咁溫過D生字...不過都唔洗咁話我地呀?...

中文堂冇咩突別...

lunch好玩D na...

因為今日我同聰同cherry同阿妹一齊去搵老師傾計攞印仔..

我Miss kong果group要成廿個印呀..多到呀...

不過今日都已經攞左十四個lo....

不過我今日大多數係聽多過講...因為唔多識答佢地...

之後數學x2,普通話堂都係訓下訓下就咁過左...

放學重要去補英文Tim...遲遲就黎考試都要補....

不過果陣佢冇今朝咁惡既....

補完之後搭車返歸...

返到屋企..因為冇野做既關係...所以去左練野...

練左成個幾鍾....都算有點成果既....

近排又露喊na...(見我個Blog『好似』多左人咁就知na....)

成日唔鬼記得登出....麻鬼煩....

不過算na....我都漸漸覺得...冇咩所謂...

琴日有人同我講叫我表白...

但係點解你地講到表白好似係一件好容易既事咁?

我硬係覺得...好似好多野諗咁...

可能..我覺得...佢依家已經係避緊我..我重同佢表白...

我諗...之後會變成點....

可能有人會話..依個只不過係我個人覺得姐...

不過唔知點解...我真係覺得佢避緊我....

不過都係算na....

依家差唔多考試na....唔好因為依D野而影響我同佢既心情...

同埋...可以比多D時間我諗下都好....