今日原來係黑色星期五黎嫁...@@

但係其實黑色星期五係咩黎我都唔知@@

今日一朝早起身就勁想訓返落床...

冇計啦..今日太冷啦....得果16度到wo...緊係想訓返係個曖曖既被窩到啦~~~

今日第一堂英文堂呢....

係冇咩特別事發生既....不過令我諗返起琴日我阿ba同我講既野..

佢琴日一返到黎..就拉左我去傾計....

話咩我以我依家既成績...要入大學係冇可能既事之類既說話..

之後佢重冇啦啦話諗住送我去外國讀書wo..-@@

嘩..真係比佢嚇親- -

之後第二堂數學堂就要小測....

um...今次呢....比我想像中易啦.....要合格應該冇問題既...

之後既堂都冇咩特別...

依家我地班好似傻左咁呢.....成日係到話咩開礦開礦...

煩到死....其實由始至終...

好似剩係得洪見到郭咩....

佢地重要坐到咁遠lo....

我真係好懷疑洪究竟係有心針對郭呀....定係唔知咩原因....

講起針對...

我記得我今日係bafs果陣...同張錦傾起阿郭D野.....

佢話佢好唔中2郭wo...話咩佢好姣...

但係之前同ck傾過下....ck又話郭係...嗲...

其實我次終都係覺得唔同人睇唔同野啦...

之後張錦又話依家唔係咁中2林凱,張頌...

其實我覺得呢..女仔應該對佢地兩個冇咩野既....但係又好似唔係咁...

以前3E既人...依家好似散曬咁....

去到放學呢...我地成班男仔就去左禮堂練朗誦....

但係由於有社際籃球打緊呢....

我地都出昆出面睇籃波@@

冇計啦~~家華又有份打wo...佢重好勁tim呀...一個過曬五個人.....

佢次次入親波....都總會有拍手掌比佢既~~~

但係睇唔夠一陣就比李sir叫返入去...

之後我同阿燦就去左禮堂對面慢慢睇@@

我地睇曬先至入返禮堂到讀...@@

我地讀到六點幾先走呀....家華話今晚去打邊爐wo..

但係佢地又約左七點半係觀塘m記到等wo...

我一放就即刻排隊等上車.....之後返到屋企都已經七點三啦@@

我沖埋涼換埋3都已經飛咁快門口啦...

不過當然都係遲到啦@@

好似追得返佢地姐...

今日一共有成十個人去打邊爐...

有我啦,柱,狗,kai子,藍,燦,家華,pele,聰...

原本阿洋同肥強都黎嫁...

但係阿洋突然間病左...搞到冇黎到...肥強就因為阿洋唔黎而佢又唔去...

既然係咁就算啦..

咁我地十個人就由觀塘行去樂華既"嘉華大酒樓"啦~~@@

但係我地去到果陣都係得八點炸..

果到既人話咩九點先至有位wo..

叫我地係周圍行一陣先- -

咁我地成班就係M記足足坐左一個鍾@@

去到九點鍾終於入去食lu~

我地一坐低就點野食啦...

點完咪交比果到D人lo....之後我地就等...等.. 等...

等左好耐都唔見佢攞D野食黎wo...

咁我地咪交多張比佢地lo@@

點知呢....原來佢地一早比左我地啦@@

放左係我後面....冇人睇到呀....@@

之後D野食差唔多全部變曬做兩倍....

我足足食左四碟牛肉呀...@@..不過真係好好味~~~xdd

其他野都食左唔少呀..

我地全程都係有講有笑咁食...幾開心呀~~

我地食到11點幾先走...

一個人都係要比七十六蚊炸...訐埋加一...

唔係好貴..但係又非常好味wo....抵呀!!!

但係唔知點解呢...我走果陣...竟然覺得有少少肚餓@@

之後呢...我地就行返去apm...

去到apm又唔知做D咩wo....剩係係咁行黎行去@@

家華話咩消化wo...@@

行到十二點就散lu...

之後我同狗就諗住搭四十五小巴返黎啦...

點知呢...去到竟然冇車....

阿狗話搭的士wo- -

佢攰到傻鬼左...最後我地搭返十六小巴返屋企...

返到屋企就開始肚疼啦...

早知唔食咁多牛肉啦@@