今日係車厘子同霞既生日

所以....生日快樂呀!!!

今日一起身...腰酸骨痛...因為之前整親...

之後十點鍾出左門口

去跳舞途中...有一個人打黎....傾左陣...我做左陣聆聽者

傾完之後就到左觀塘...

次次都係我最早到...又要等佢地...今日阿聰重要唔黎Tim...(佢要返歌唱)

今日跳舞跌左勁多次..

下下都勁痛....有一下撞到個盤骨正一正...

我隻左腳正頭提唔起...超痛...

跳到一點三就去左食M記

食到大約2點鍾左右NA

之後我原本諗住自己去行既....其實係搵緊禮物比車厘子...

點知班友仔係都要跟黎....

之後比我一個假身....拜粒左佢地

果陣我地重見到黃SIR TIM呀....教我地化學果個呢....佢同佢老婆行街街...個場面好sweet..

我重突登行過去同佢地傾計Tim^v^阿sir個老婆好靚女嫁...真係估唔到..

我重影左相...想睇既可以搵我....

之後我行左成個Apm3次...搵唔到岩心水...因為我好少買禮物比女仔....

之前有間買鏈既又汁左...定係裝修....果到D鏈好靚嫁....唉.....搞到我要周圍行..

之後阿聰打電話黎...問我係邊.....我答完之後就去左搵佢地

佢地果陣係『魚文方』...開頭我唔記得係邊...

之後突然比我記起...我之前因為跳樓梯...搞到咬柴...去過果個醫...所以突然又識去...

去到果到...見到阿聰,Ck同po yee

佢地果陣係到睇緊手鏈...不過佢地最後都係買左其他野(好似)

之後大家各散東西...因為果陣重好早...

我同聰原來係一齊走既...不過果陣我叫左佢自己走先...我要睇D野先..

之後我就返左去果間店到買手鏈....D鏈都幾令既.....之後我簡左一條送比車厘子

因為琴日駛線傾計....比我搞到D氣氛咁差...

同埋佢今日發生左D事

所以咪買份禮物比佢lo

之後我去左搭小巴

係小巴站見到聰企左係到...原來佢等緊翔,狗,勤...

之後我地一齊搭車走...

我就返自己屋企....佢地去聰屋企...不過聰係5點幾同藍出Mk....之後佢地3個去左公園hea...

我係屋企係咁研究果條鏈究竟點帶既呢....

一開始原全唔明...搞左勁耐.....最後發現可能係咁帶na....次終我都唔識e d野...

之後我就約左阿妹同車厘子係秀坪果到等...

因為要比份禮物比佢...我又唔想係咁多人面前比....感覺好怪...

之後係六點幾果陣佢地黎到na..

咁我咪叫車厘子合埋眼...伸隻手出黎lo...

佢果陣伸曬兩隻手出黎...好似想接一份好大好大既禮物咁...

咁我咪叫佢剩係伸一隻出黎lo...

之後咪幫佢帶埋lo...

好彩佢鍾意份禮物姐....話到底....我真係唔識簡禮物......

係我送完禮物之後...菠蘿突然彈出黎....嚇得我呀...命都短幾年....

之後我地四個去左搵佢地(買野食果D翔,狗,勤,kaya,yee,ck,霞)

佢地係公園到玩緊...因為要等張錦話ok....

之後等多陣就成班一齊上去張錦屋企

係張錦樓下等埋林慧...之後就上去na

一上到去...發現同林慧屋企係一模一樣嫁...個構造..

開頭個個都企曬係到...好生硬...

就係果陣...阿燦打電話黎..佢地唔識黎...

所以狗同菠蘿去接佢地...順手買零食

係果陣柱同藍同聰黎到

等多陣....阿燦佢地都上埋黎na...一共十九個人...迫爆na....

之後男仔係廳玩啤...女仔係房到跳舞...好似係炸...

係果陣我覺得男仔同女仔好似分隔左咁...

之後就去左升降機果到影相....第一次係果到影大合照....感覺好怪..

影完大合照之後....阿妹同車厘子就走lo

之後我地成班就落左去公園到玩...

一開始係張錦樓下個公園到玩既....不過玩左一陣姐..

係佢地諗住走去果個競技場....咁我同家華同燦同黃傑斌留左係果到影左幾張相

係果D單槓到呢...我倒轉個人...對腳掛住...成個人零空左....之後叫斌影相...

只係得我同阿燦做炸...不過都影得幾好嫁...(遲D用黎做Icon先..)

之後我地四個就去搵返佢地...

去到...原來佢地係到玩緊石春路..

個個都嗌生嗌死咁...不過我一D都唔覺得痛...真係唔覺得痛..我可以跳到最高....跌返落黎都冇事既..

之後我咩左林慧,ck,yee同kaya行左一個圈..個個都好驚咁...

之後就去左競技場到玩..

玩左一陣....我地就開始玩誠實與大膽...

開始無無聊聊咁na...之後由yee提出玩食薯片開始....就好好玩na

就係女果一方擔住塊薯片...男果個去食...原本剩係食既姐..之後就要掂埋個鼻食..

玩得不知幾開心...我一共比人轉左5次...2次霞,一次ck,一次kaya,一次張錦

我係比人轉得最多果個...

之後玩到最後yee同藍食...

果兩個警察行過....要趕我地走....(咁大個仔...第一次...好值得留念..)

話我地咩大聲wo...嘈到周圍...

唉.....比人提早完場....

之後就各有各散...阿聰去佢阿婆屋企.....

走果陣...Ck發現KAYA同yee送比人果份禮物唔見左...可能留左係車到...

白費左D心機.....

返到屋企....我阿婆係到...

佢黎我屋企住....佢重帶左魚翅黎比我食tim^v^yummy yummy^v^

之後就約聽日一齊出街...因為....母親節呀ma...

我陪我阿媽..我阿媽陪我阿婆...

我地應該出去Shopping .....係我提出嫁^v^

因為....我有野想買..不過冇錢買....所以呢..就約聽日一齊出na^v^

好na...差唔多訓na...

拜拜~~~

【菠蘿】【生日快樂呀】（既然都大左一歲...個膽應該大左D嫁...咁就應該...^v^)

愛情篇:

我唔識哄你...我唔識安慰你...我唔識令你開心...

所以我沒有勇氣走近你...

只能從不顯眼的地方偷偷地望著你守護你...

在你的回憶裹,,,沒有一段是和我在一起

是因我的懦弱,,而令我沒有膽量對你說"我愛你"!

友情篇:

我唔識煮野食...我唔識講爛Gag..我唔識捱義氣

我英文差....中文又唔叻..

所以我相信人必須靠同伴和朋友才能夠生存下來

朋友不應互相猜測...互相利用...

應與朋友一起,,,留下美好回憶...

上面既野...係我係化學堂無聊果陣寫出黎....(全靠咁先冇訓到...)

不過今日上堂真係好悶...

一開始頭三堂已經悶到訓著.....

小息....好快就過左..

化學堂寫無聊野..(上面果D)

lunch....好悶....我剩係記得我去左窗邊吹風....

之後就玩左陣橡根....食左一粒張錦比菠蘿既生日禮物(我一食就食到芒果味....今次又整得唔錯wo)

之後lunch就已經完左..

之後果三堂都好無聊咁過呀....

放學果陣...去左502室做"臨記"...(係比Ck叫我去嫁.....)

雖然話臨記姐....不過都OK好玩既...

果陣有狗,翔,聰,勤,郭,COco,Ck

大約去到五點三左右就完

出左門口之後...發生左一D事...

之後我同聰就去左M記...(e d野...聰係佢個blog到..應該唔會打出黎...廢事又比人話na...)

(好彩我e個Blog冇咩人知......所以我打出黎...都冇咩所謂..不過唔好係咁同人討論..)

其實果陣我同聰去M記係搵C雅同阿妹

 佢地係M記做功課...(雖然話就話做功課..不過緊係傾計多na..)

不過如果你問點解我地知佢地會係M記....e個就不方便透露...

係M記樓下果陣...見到Ck,郭同COco

不過佢地見唔到我同聰....

之後上到去...竟然冇學長係到wo...(原本我同聰都估有幾多個學長係到嫁...)

之後我地傾左陣間計同講下星期六既野

係六點幾果陣....聰因為要補習..所以要番屋企....咁我咪同佢一齊走lo..

番到屋企...好攰...

唔知有冇人發現我今日提早左打Blog呢?.....

其實我自己都唔知點解......

不過就黎到星期六na...咩都未決定....點算好呀.....搞到好煩呀......

今日肥強生日呀!!!!生日快樂!!!

琴日四點就訓na...因為太攰....

所以冇打比阿聰傾通宵...

今日返到學校一見到佢個樣...勁殘..

之後到左我既晨訓時間...(姐係晨讀...)

訓醒..就去左上電腦堂..

電腦堂次次都好好玩....起碼冇坐係班房咁悶先呀....

之後數學堂要小測...

好似好多唔識咁...之後英文堂睇果個鬼佬帶黎既片

好快就過左....lunch....佢地決定係到討論5月9日果日既party....

重話唔比c雅知...(其實一早比人發現左...)

講起5月9 日...郭都係果日生日

但係係佢生日果日...梁叫郭黎陪佢wo

痴痴地線....

都唔知E個人係到諗咩

之後art堂.....都係一D好玩既堂黎既

所以我硬係覺得過得好快..

之後班主任堂

話投票簡果個積極之星

一講起就把幾火

又係你話講d人名出黎投票既

我地講pele,你話唔得,我地講阿洋,你又話唔得

你咁鬼勁~你自己簡曬佢lo...洗咩投票姐?你話曬事既

之後放左學...我同燦同pele去左象棋比賽

阿燦第一,pele第二,我第三,

我地突登留到五點二先走...

因為唔想去果個新高中課程....(搞到要家長信...)

我係中途重去埋打字比賽...

每分錐51個字...算係咁na...

其實我最近練緊倉蠍.....不過好難學..

之後放學之後8個人一齊去左食吉野家

因為為左肥強慶祝生日....

食完野...又各有各散lo...

之後係屋企都係hea下hea下咁過...十點半果陣想打比聰傾電話.....點知佢訓鬼左....

之後去到十一點左右na..

就開始做功課...(雖然話就係話做功課....但其實我同緊其他人傾電話...傾到都唔記得有功課e家野..)

好na...

今日老豆係屋企...廢事太夜訓...

拜拜~~~

琴日再一次四點鍾先訓.....

好彩今日起到身....

不過返到學校仍然好攰...好想訓...

所以係頭三堂,,,,我係完全訓嫁....訓得好舒服...冇老師話我...

之後就係體育堂na

係換3果陣...好恐怖...我比幾條友夾手夾腳抬起左...比人硬生除3除褲...救命..

之後第一堂玩籃球....又比人夾手夾腳抬起左....

整傷左隻腳...之後第二堂玩側手翻...

我之前試過...不過完全係唔得嫁...

不過今日唔知點解....今日第一次就得左na....好開心^v^

之後到狗做...佢淆到出汁.....

佢一落去就淆...縮埋一舊...之後就轉圈..勁好笑....

之後就lunch...

係lunch果陣...

之後係lunch果個外國Miss 黎左要我地讀果篇野....

之後重簡左D人出黎讀.....好彩冇簡我出黎炸...

之後果三堂我都係訓教...

係地理堂有人係咁叫名...果個唔係我黎嫁..=.=佢話緊果個係菠蘿呀...成日以為係我..

好hurt我嫁ma....(雖然果陣我都係訓教)

我訓教既姿勢咁勁...冇咩老師會發現到嫁^v^

不過我訓緊果陣...比林凱2係咁影相...(e個佢自己講既...我就唔多信na..)

之後放學去左補考tsa

無聊到死lo...其實做唔做有咩所謂姐...唉...

之後我等埋pele一齊放...

我同藍同pele一齊去食cheese cake(我第一次食..)

之後我地吹多陣間水就散lo

今次得我自己搭車走...

7點鍾番到屋企....我拿拿林去左沖涼

之後就係為左陣間要做既事而充電....(我指既充電姐係訓教...)

不過我驚訓唔著所以練左陣間舞....

之後我一訓就訓到八點半..原本可能訓耐d...不過比藍叫左去打機..

咁算lo....打機打到十點半到na...就開始同聰同藍一齊傾電話

當然同上次一樣...傾下D祕密咁lo.....琴日因為有柱係到..搞到咩都講唔到...

今日傾得好開心...

不過我講明先=.=

你地兩條友作歌還作歌....唔好插我個名落去就得na

比人誤會就唔好na..係咪?...

之後終於差唔多夠鍾na..

就係同pele睇波...(所以我今日先訓晏教.....)

應該睇到大約四點到na.....

之後可能繼續同聰傾電話(睇下佢訓左未先na)

好na...

今日差唔多na

拜拜~~~