今日學校話去睇聖火啦!!咁咪去囉!!

朝頭早落狗屎咁大雨，叫人點睇丫，比鬼睇丫!!跟住D雨越落越大[明玩啦]，我地D摭全部都廢[因為勁逼]，咁唯有著雨褸啦，個件咁既死膠袋難著到嘔電!!都唔知咩構做!!之後我地好好地咁企定定啦，D騎呢人又逼下逼下喎，我右邊D細粒蚊把摭又隊下隊下，又唔知自己揸住果部相機仲大過自己個頭，都唔知佢點影相，個陣我已經好火啦，點知RacHeL左邊突然彈出1個騎呢人，條友講野大聲到可以係紅館開Show唔洗用咪丫，佢拎住部死鬼爛電話，勁大聲咁講野，黑人憎到爆，跟住我勁唔開心，勁火囉，咩態度丫你，雖然我唔係好想睇聖火，但係你都唔洗擋住晒我丫!!!!跟住我咪行開左，唔再係個個地方度立足!!!

之後聖火黎啦，係陳易希，佢真人比上鏡靚仔好多好多好多，但係我前面有3柱香擋住，呢3柱香係1B，我都廢事提名丫，摭X住晒，睇鬼丫??跟住陳易希同我地不停咁揮手，臉帶燦爛既笑容，佢未跑個陣我影到2張幾清既相，佢跑個陣，我影都影唔到，不過佢真係幾靚仔.......

仍然病緊......

金日講住咁多，明天請早

其實呢幾日已經病病地，琴晚終於發燒，所以金日去睇醫生啦!!

睇完醫生之後，仲要去人地既悶鬼生日會，簡直係受盡痛苦!!!!

電腦比人霸晒，電視冇野好睇，做野好做

Hea.......HEa.......Hea............Hea...........Hea........

悶到嘔電.....又病又唔想食野..........慘