今日係我地學校既旅行呀!
我地F.5去石澳呀!
一個我話過我唔想再去既地方呀!
係咪好想知點解呢?!
我一陣先再講你聽la~
今朝雖然係返9點,
但係我同本身一樣咁早起身!
本身都諗住訓到7:15 ga~
不過7點已經醒左訓唔返lu~
之後就緊係擦牙洗面la!
跟住就換衫la~
換完之後又要整個頭wo!
都幾忙ga!
經過一大輪我終於出得門口la!
鴨仔就o係呢個時候打黎la~
我仲以為係邊個所以冇聽到tim!
點知我一睇原來係鴨仔wo!
咪即係打返俾佢囉~
原來佢係問我今日係咪約左佢食早餐wo!
真係俾俾激死呀!
竟然可以唔記得ge~
之後佢仲要問我約左幾點wo!
我咪答佢8點囉~
佢話咁就而家出門口la!
咁我都落樓搵埋carrie一齊返去la!
我地去到竟然唔見鴨仔同歡歡囉~
原來佢地仲遲過我地囉......
之後鴨仔就打俾我叫我幫佢叫野食~
我就問佢食乜la~
佢竟然答我食乜佢就食乜wo!
到我諗到叫咩野食之後又突然諗起唔知叫咩俾佢飲wo,
咁咪打俾佢囉(因為佢仲未到呀!)
佢又話是但wo~我飲咩佢就飲咩wo!
之後經過一輪我地終於叫完野食la~
過左都幾耐下~鴨仔終於黎la~
原來佢今日係返7:50 ga~
佢竟然唔知wo....
之後我地就食早餐la~
歡歡係要走先ga~
因為佢係返8:30 ga~
之後鴨仔好趕咁食完個早餐之後就走左la~
之後我同carrie就埋單la~
跟住就去左惠康睇下買D咩一陣食同飲la~
到左7:55我地都返學校集隊la!
希文遲到呀!
我地要等埋佢先可以上車呀!
不過都早過D班呀!
哈哈~好野~
之後我地上到車就緊係聽MP3 la~
過左一個鐘之後我地就到la~
落地果陣其實都有D暈暈地ga~
因為坐左咁耐地wo!
好快我地就可以解散la!
搵埋包包同詩詩之後我地四個就去左沙灘玩la~
仲玩到濕埋tim呀!
之後我地就去左搵野食la~
我地行行下就見到cindy行完山返黎la!
之後我地就去左食野la!
(不過我地去果到D野其實都幾貴ga!不過算la,果到D野係咁貴ga la!)
食完之後我地就去搵石澳個後灘o係邊la~
搵搵下我地見到個公園wo!
咁我地就諗住o係果到鋤D la~
點知我地都未開始玩就有幾隻蜜蜂飛左過黎lu wo!
搞到佢地幾驚呀!
所以都係玩唔成la!
唯有去第二道玩la!
之後我地就繼續去搵我地既後灘la!
搵左一陣之後終於搵到la!
不過後灘就唔及正灘咁靚la~
不過我地搵到D好特別既野~
本身都唔知係咩黎ga~
不過我地睇睇下覺得應該係D玻璃既碎片~
不過好靚ga~
因為有幾多顏色,又有好多唔同既形狀ga!
我仲拎左D返去俾阿妹tim呀!
佢都不知幾鍾意呀!
之後我地就返返去正灘la~
我地決定o係正灘到鋤D呀!
之後包包仲教左我玩"心臟病"tim呀!
玩左一陣之後我地就要集合走la!
返到學校之後我地就要派班T~
之後就散得lu!
我地走果陣仲見到鴨仔tim呀!
仲同佢一齊走tim呀!
不過佢唔舒服呀!
希望佢食完藥之後會好返D la!
我送完佢返屋企之後我都返左屋企lu!
我都有D唔舒服~
所以我就去左訓覺la!