今日我有返學呀!終於回復返正常少少la!不過其實我都係有D唔想返ga,不過都係廢事請咁多假la!雖然袁sir話我而家請假都冇咩所謂!但係張成績表始終都會唔好睇呀ma,我由中一至到呢件事發生之前我一直都冇請過假ga!不過而家就唔係lu,我發覺自己有一個心態係橫掂都破壞左唔請假既紀錄la,請幾多假都冇咩所謂la!我唔可以再係咁ga la!所以我唔可以再繼續請假la!我唔可以放棄ga!

今日要返教會呀!返完教會之後去左apm食lunch呀!食完之後就返左屋企la!當我搭緊車返屋企果陣阿史竟然打電話俾我wo,佢問我有冇事,仲話過黎睇我tim呀!其實我覺得阿史對我都幾好呀!o係42入面我覺得佢對我已經係最真ga la!至少佢唔會好似某D人咁,明明同我都唔o岩ge,但係都仲要扮晒野打黎問我有冇事,我覺得呢D人真係好假呀!我寧願佢唔打黎仲好過呀~o係到扮晒野!

今日本身諗住返42 ga~不過後來知道原來童軍團係唔洗集會ga~本身諗住唔返ga la!但係郭sir又叫我照返去睇下~佢話佢會返wo!但係今朝阿史打黎話佢唔會咁早返去,跟住郭sir又話佢要出總會~今日唔返去!所以最後我都係冇返到去ga!因為我最想搵既果兩個人都唔返......所以今日係留o係屋企ga!

今日我地要去青衣IVE呀!本身我諗住今日都請假ga,但係carrie想我陪佢去青衣IVE wo!咁我又冇理由又係請上午假淨係返下午ga ma~因為今日去IVE,如果我淨係返下午既話會好怪ga!所以最後我都係返左學!lunch依然係約左鴨仔一齊食lunch!因為我講過我要自閉一個禮拜!所以我都冇同我其他friend食lunch!朝早好多堂我都係訓覺咋!捱左好耐終於捱到lunch la!lunch之後果兩堂又唔洗上~好好多!早知今日咁難過我就唔返la!

今日我又冇返朝早la!因為我又起唔到身囉!其實係因為我琴晚好夜先訓呀!因為琴日夜晚我要出門口去櫃員機整轉帳D野!所以好夜先可以返到屋企~返到屋企之後仲要沖涼先可以訓得呀!一沖完涼我就入左房訓覺la!結果都係唔陪訓~今日都係要請假.....不過我下午都有返學~而且我仲趕返去食lunch!因為我想搵鴨仔一齊食lunch呀ma!

今朝阿媽叫我起身果陣我好眼訓呀~因為琴晚我都訓唔到,到左好夜我先訓得着呀!所以我就問媽媽我可唔可以請假la,媽媽話所謂wo,所以我就叫媽媽幫我打返去請假la!之後我又訓着左lu~不過我都唔係可以訓好耐咋!因為到左9點左右媽媽同嫲嫲都唔知o係到嘈D乜~搞到我醒左!媽媽仲叫我陪佢去搞埋銀行D野!結果就係咁~我又冇得訓la!我地首先去左中銀~將保管箱D野拎晒返屋企先!我拎D野返屋企而媽媽就o係荃灣到等我!因為嫲嫲成日見到我地有咩都話係佢ge~所以媽媽想我拎D野返屋企先~之後佢落荃灣等我,因為佢唔想嫲嫲知道我地係落銀行整野~知道我地拎到D錢出黎之後又話所有野都係佢ge!所以拎完保管箱D野返屋企之後我就話返學~其實係落荃灣會合媽媽!落到荃灣之後我地就去左渣打開左個戶口!之後我就趕返去搵鴨仔,carrie,歡歡佢食lunch la!之後當然係上兩堂之後放學la!放左學之後又要test ECON la!真係慘呀!

今朝阿爸過左身la~o係我知道爸爸過左身之後我就send左個massage同鴨仔講~因為話晒佢都知我爸爸入左醫院件事~我覺得我應該同佢講聲ge~但係我未趕返去醫院之前我打過電話俾佢~佢話佢訓緊ga la~所以我都唔想嘈醒佢~唯有send個massage同佢講la!我叫佢睇到個massage之後得閒既話打返俾我......結果佢就o係我訓緊覺既時間打俾我,因為佢果陣行緊返學得閒D呀ma,當然佢係嘈醒左我ga la!但係我冇嬲呀,而且好開心tim,因為佢真係打黎睇下我點呀ma!佢嘈醒左我之後我都訓唔返la,所以我就打電話俾阿媽問佢幫我請左假未,佢話佢仲未得閒幫我打電話,咁我就問佢不如我而家返學好唔好la,佢話冇所謂~所以我就返左學la!我打俾鴨仔同左佢講我一陣會返學!佢話如果我趕唔切就唔好返la~無謂遲到wo!之後我就問佢可唔可以幫我買定早餐la,佢話好~冇所謂wo!我結果係趕得切返學ga~鴨仔就o係學校大門口等我!佢已經幫我買左早餐la,真係快呀!之後我就落去集隊la~集隊果陣緊係暈下暈下la~因為我都未食早餐呀!都唔知點解今日個早會好似過得特別慢咁!過左好耐之後我地終於可以返課室la!要行到上六樓我真係有D想死呀!不過都總算上到去la!之後上既堂我當然係冇心情上la~不過都冇訓到,因為係訓唔著ga!到左中文堂校工入左黎俾左張紙我叫我執野落校務署~原來係阿媽打黎我學校叫我即刻返屋企!佢要我早退wo!所以我就要走la!仲諗住一陣可以同鴨仔一齊食lunch ga ma~而家冇得一齊食la~我走之前諗住搵一搵鴨仔la,但係佢又勁耐都唔落堂wo,所以我唯有出左學校先~過幾分鐘再打俾佢la!之後就返左屋企lu!原來阿媽係搵唔到D存摺叫我返屋企幫手搵wo,真係俾佢激死呀!搵左好耐之後我突然記得阿爸放左o係邊~結果就俾我搵到la!之後我同阿媽就去左銀行整戶口D野la!阿史果日仲黎左搵我tim呀!可以佢驚我有事掛....佢仲陪左我好耐!仲有呀~佢打俾黃miss叫黃miss同我傾~結果又傾到喊la!

今日本身我諗住同阿媽去醫院睇阿爸ga,但係阿媽又話唔好wo,佢想我留o係屋企睇住阿妹,因為阿妹都唔可以入病房睇阿爸,就算帶到佢去都要搵人睇住佢la!所以佢就想我留o係屋企睇阿妹la!咁我就同阿妹留o係屋企,阿媽同嫲嫲就去左醫院睇阿爸!我就o係阿媽未去睇阿爸之前落左街買定餸,之後就返屋企洗餸準備煮飯同睇住阿妹!整左一大輪之後終於洗晒D餸la,之後就係睇下阿媽同嫲嫲幾點返,我先再煮飯!但係我見阿媽8點半都仲未打返黎我咪打俾佢囉,佢話叫我煮左飯先wo,之後我就即刻去煮飯la,到我差唔多煮完飯果陣阿媽就打返黎la,佢話佢同嫲嫲要留o係醫院同醫生傾用中醫去醫阿爸wo,叫我同阿妹食飯先!咁我咪同阿妹食左野先囉,之後我打俾阿媽話我地食完飯la,佢就叫我將D餸放o係個鑊到先,等佢地返黎先食,之後就叫我幫阿妹沖涼!當我幫阿妹沖緊涼果陣阿媽就打黎叫我幫阿妹換好衫之後即刻去醫院,雖然阿媽冇講係咩事,但係其實我都諗到咩事ga la!所以我勁驚呀,我第一時間就諗起鴨仔la,所以我就打左俾佢,本身我都係諗住同佢講聲ji,但係佢聽到之後竟然話陪我去wo,我真係勁感動呀,而且冇咁驚la!我幫阿妹沖完涼之後就幫佢換衫,跟住就出得門口la!呢個時候鴨仔就打電話黎la,佢話佢已經o係我屋企樓下,咁我就即刻出門口lu!落到去之後我地就去左搭的士la!好快我地就去到醫院la!咁我地當然即刻上病房la!去到之後其實我地都唔知咩事ga!我地睇阿爸果陣只係知道佢地個個都o係到喊~過左一陣之後先開始知道事情既嚴重情~果時我都忍唔住喊lu!鴨仔見到我唔開心都陪住我我仲攬住佢喊tim呀!我好記得今次係我第一次攬住佢喊,而且今次我仲喊左好耐tim!到左十一點半我見都夜la,所以出返大堂叫鴨仔走先,佢就唔唔夜~可以陪多我一陣!佢話佢平時都冇咁早返屋企,叫我放心!佢話如果佢要走既話就會同我講ga la!叫我放心入返去!所以我就入返去睇阿爸la!佢對我真係好la,如果冇左佢我今次真係唔知點lu!不過o係病房入面個感覺真係好怪呀!我都唔知點講呀~總之我就係唔想留o係入面la!又唔係話唔想見到阿爸wo,只係我唔係咁鍾意o係入面個個都咁唔開心!我只係想靜下ji!所以我o係入面一陣就出左去搵鴨仔陪我la,佢見我想嘔就陪左我落地下去廁所la!佢仲話可能係我唔慣o係上面ji,所以帶左我出醫院外面lu~不過過左一陣我就返返上去la,因為我都唔想落去咁耐!上返去之後我都唔知點解入到病房個感覺都仲係好怪,特別係有其他人o係到果陣呀!所以我都唔係好肯入去~契姑姐知咁多人o係入面我唔想入去,所以佢就問我洗唔洗叫其他人出黎等我自己入去,不過佢都係唔清楚我既性格~都係鴨仔知我性格多D~佢知我唔想咁多人o係到亦知道我想人陪,但係緊係唔係個個陪我我都肯ga la!鴨仔知佢陪我入去既話我一定肯入去~所以佢就陪左我入去la!不過我入到去都唔知講咩好~鴨仔見我唔出聲,我知佢真我肯講野所以佢就試下同我阿爸講野~睇下我聽完之後肯唔肯出聲!但係佢其實唔知我o係個心入面同左阿爸講野la!過左一陣之後又有好多人入返病房la,所以鴨仔就陪我出返去大堂!之後契姑姐就同我講左阿爸而家既情況我聽la,但係佢講既野入面有勁多英文,我都唔係好明佢講咩~好彩有D鴨仔幫我翻譯左,我都有少少明佢講咩ge~之後我唔舒服就落左去買水,果陣時已經好夜la!返到上去之後我見咁夜就問阿媽諗住幾點走la~佢又答唔出wo,所以我咪問佢不如我同鴨仔返屋企先~如果佢唔放心我自己o係屋企既話我就問鴨仔我可唔可以去佢屋企過住一晚先!過左一陣阿媽就答我地不如一齊走~咁我都冇咩所謂,所以就等埋佢地一走la!不過就走左好似都仲未走得到!到左差唔多點半既時候我地就搭的士走左la,當然我地有送鴨仔返屋企la,我叫左佢返到上屋企打個電話俾我~因為我地都只可以送到佢返屋企樓下之ma,我驚佢有危險呀!之後我返到屋企就第一個去沖涼~因為我聽日想返學而且我已經好眼訓la!到我沖完涼見鴨仔仲未打俾我~我擔心佢就打俾佢la~原來佢唔記得打俾我,佢已經訓緊la,咁我都唔阻住佢訓la,我都準備訓ga la~點知呢個時候醫院就打黎話阿爸唔得la,叫我地即刻返醫院,咁我咪即刻換返衫出門口la,好彩一落到樓下就有的士,我地好快就去到醫院la!o係的士到亦都call左阿叔同姑姐返轉頭!不過我地返到醫院果陣阿爸已經唔o係到la,果陣時我真係好唔開心呀!

其實呢段係連住琴日果段ga,繼續la!
過左一陣之後阿媽又打電話返黎叫我打俾姑姐佢地~叫左線之後我就即刻打俾姑姐la,之後又繼續訓 lu!過左一陣又係我岩岩訓著既時候阿媽又打黎la,阿媽話阿爸情況轉壞,叫我嗌阿妹起身之後即刻落醫院wo,我都估到事情有幾嚴重ga la!所以我就即刻執袋,跟住就叫左阿妹起身la!我換好衫之後就幫阿妹換衫la!之後我就即刻帶阿妹去醫院la!行行下嫲嫲就打電話黎問係咪上去我地屋企,我就答佢我地已經去緊醫院,不如我地返轉頭搵埋佢一齊去la!我接埋嫲嫲之後就即刻趕去醫院la!去到之後阿媽就話醫生話阿爸既情況太差la,所以唔會幫阿爸做手術wo!之後就只係知道阿媽係咁o係到喊咋!但係過左一陣之後護士就入黎搵阿媽話醫生想見阿媽wo!阿媽返黎之後就話醫生肯同阿爸做手術la,要準備過瑪嘉烈做手術,因為仁濟做唔到手術呀!護士話只可以一個人跟車去瑪嘉烈,當然係阿媽跟車la,所以我同阿妹&嫲嫲就自己搭車去la,本身我地諗住搭小巴去ga,但係等左勁耐都仲未有車呀!嫲嫲又驚趕唔切送阿爸入手術室wo,所以我地就搭的士過去la!去之前我驚阿妹一陣會肚餓,所以我經過哈迪斯果陣我就入左去買左個早餐俾佢食la!我地o係的士果陣已經食晒早餐la,因為我唔想阿媽仲為呢D小事而擔心呀ma,去到瑪嘉烈果陣阿爸格救傷車都仲未到,但係姑姐就等左我地好耐la!之後D護士就送左阿爸上病房la!因為醫生話阿爸既情況轉壞左,所以醫生就唔可以幫阿爸做手術住la!不過好彩過左一陣之後都係推左阿爸落手術室,我諗佢既情況應該都唔會太差ge,如果唔係醫生都唔會同佢做手術la!之後我地就即刻落去手術室la,送左阿爸入手術室之後本身我地諗住o係手術室門口等ga,但係契姑姐黎到之後話做手術最少都要三個鐘,所以契姑姐就叫我地去canteen食D野先,但係我地根本就冇心情食.....等既時間好似過左好耐好耐咁,但係D時間就好似過得好慢咁,過左三個鐘之後我地就去返手術室門口等la!因為我地都想第一時間知道個手術結果呀ma!但係我地落到去都仲要得好耐好耐好耐阿爸先做完個手術,醫生出黎果陣話阿爸個手術做得好成功,之後D護士又推返阿爸上病房la!我地就上左病房睇阿爸la,但係D醫生又叫返我地出黎~佢話要等護士執好D野先可以入去wo!都唔知點解D護士執野可以執咁耐la!到D護士話我地可以入去睇阿爸既時候我地緊係第一時間入去la!過左一陣之後又俾人趕返出黎la!因為果陣唔係探病時間,我地唔可以留o係入面咁耐!阿媽見我同阿妹咁攰就叫我帶阿妹返屋企訓陣先la!佢自己就留o係醫院陪阿爸!因為一黎阿妹好眼訓二黎阿妹又唔入得去,佢留o係果到又要搵人睇住佢呀!所以我就帶左阿妹返屋企la!我仲要等佢訓著左之後先有得訓呀,因為我驚佢一陣唔訓亂搞野呀ma,所以我特登等佢訓左我先訓ga,我捱得幾辛苦呀!最慘就係幾分鐘就有人打黎一次,我又唔可以唔聽電話wo,因為我都唔知邊個打俾我呀!所以我就幾分鐘醒一次la!我連晚餐都冇落到去食呀!因為真係好攰呀!阿媽買左個飯盒返黎俾我地食,但係我都冇胃口食呀!到左夜D我就打電話俾鴨仔,我都唔知點解每次我唔開心~同佢講完之後我都總會好D ga!所以我都係搵鴨仔傾左陣(希望冇阻住佢la!)佢岩岩行完山,佢成班隊友去左佢屋企玩!但係佢都陪我傾電話,同佢傾完真係好左D!不過當我同佢講我冇食飯果陣我就俾佢鬧la!佢話我過去食杯麵都好過唔食野,就算過去食薯片都好過咩都唔食wo!佢咁講~所以我就食左兩啖芝士蛋糕la!之後我先打俾佢,佢就話"咁就乖la!"之後佢唔得閒仲俾左佢其中一個隊友同我講左兩句tim呀!聽講果個人之前係做社工ga wo!同鴨仔講完之後我就去左訓覺la!今日真係唔開心既一日呀!

今日夜晚我地好夜先食飯呀!食完飯已經好夜la~返到屋企我地又掛住睇電視wo!所以我地搞到好夜先訓覺呀!訓到半夜就慘la!~因為出事la~阿媽叫左我起身,叫我睇住阿妹wo!我都唔知咩事呀~到我醒左D之後我就起身睇下咩事la!點知阿媽就話唔知阿爸咩事~叫極都唔醒wo!阿媽打左999 la!我就試下叫醒阿爸la!但係我又叫極都冇反應wo!咁我聽阿媽講話吨妨e嘔wo,我之前上急救果陣教過如果昏迷既話就要將個傷者反轉,因為驚個傷者自己嘔既野會入肺wo!咁我又突然記得呢一點wo,所以我咪將阿爸反轉囉.....之後急救人員就黎左la~呇a話阿爸係昏迷左wo!之後仲插埋喉tim呀!我都不知幾擔心呀!之後我問阿媽洗唔洗我陪埋佢一齊去醫院,佢又話唔洗wo,叫我睇住阿妹wo!阿妹都好擔心阿爸呀~勁耐先肯去訓覺呀!之後等佢著左我先敢去訓咋!因為我驚佢起身唔知做D咩呀!不過到我訓著左之後阿媽就打黎la!佢話醫生仲幫阿爸搶救緊....醫生話阿爸中風呀!好危險wo!我聽到之後都唔知點好la!我問阿媽我落去陪佢唔好la,但係佢又話唔好wo!驚阿妹唔夠訓wo!但係我就好擔心阿媽會有事呀!咁我咪繼續訓囉,到我岩岩訓著左之後阿媽就打黎叫我打去通知嫲嫲la!嫲嫲聽到之後就話佢即刻出黎la!

今日本身諗住去鴨仔屋企溫書ga,但係鴨仔冇返呀,所以唯有返屋企la!我都冇留o係學校la~一出學校門口就send左個massage問鴨仔有冇事,但係佢冇應我呀!到左夜晚佢send massage覆返我佢冇聲!好彩佢都唔係病得好嚴重,等我之前仲咁擔心tim!而家冇咁擔心la!

聽日要跑十個圈la,勁唔想跑呀!點算好呀?!等我聽日扮病唔跑先......哈哈.....放左學之後我去左搵鴨仔問佢遲D可唔可以去佢溫書!佢話OK冇問題wo~好開心呀! ^^

今日ECON又test la,都唔知點解可以有咁多test ga......特別係ECON tim呀!成日都test,根本就冇時間溫書呀!佢test咁多都冇用la!

今日係Debbie生日呀!但係我都唔記得左,到左lunch time食飯講開我先突然記得咋!又係遲D補返份生日禮物俾佢la!不過佢鍾意D野都幾難搵ga wo,佢鍾意toy story入面果隻綠色部隊呀~你話係咪難搵la.....而且果隻野其實都唔平ga.....不過冇所謂la!

今日係Halloween呀,
不過我都冇得出街~
咪又係阿爸唔俾囉....
又要留o係屋企la~
好悶呀!