別離沒有對錯，要走也解釋不多．．現在說永遠已經很傻．．

今日．．有人話，就算將來有人升唔到２ｂ班．．我地既友誼係一世既，唔變既．．果一刻我好想信．．但信唔過，亦都信唔落．．如果我真係入唔到２ｂ，我地會生疏好多．．因為，我有ｄ咁既經歷，絕對唔好受架！或者我又會變返果個阿欣．．．算喇．．．

ｍｓ　ｋｗｏｋ．．我第一次為你亦感到傷心，什至差點落淚．．就係你即將別離既時候．．我望住個十字架．．呆左幾秒．．係度諗返你之前同我講過既每一句野．．．個心好難過．．係，你真係好似我地呀媽咁，呢樣唔好果樣唔好，小事化大咁．．但我心知，你既出發點係為我地好．．你幫過我既大恩大德，我唔會忘記，亦都唔會忘記曾經有呢個背後支持過我既老師！

今日我講既野，係真架！但我無講其他野，都係講左多謝！雖然我仲有野講，但放係個心度就算喇！

有野同你地講．．排名不分先後＞ｏ＜

玲姐，我知你嬲過我好多次，但你亦都原諒過我好多次．．．有幾次，你都係因為我而喊，無論係俾我攪喊又好，激喊又好．．我到依家都只能講句，對唔住！呢句係唯一一句用咁沉重既心情同你講．．．你係一個好好既人，雖然缺點一定有，但你真係每一刻都做好自己，你識得去關心你身邊既朋友，你願意同你既朋友分擔佢既煩惱，佢唔開心既事，你呢樣野係最完美架！你記住，將來，身邊可能有朋友發生左唔開心既事，我希望你可以好似依家咁，做到一個好既寧聽者，我希望你將來都係真心對待你每一個好朋友！你記唔記得我叫過你唔好理我，話過俾你聽付出唔一定有收穫，我咁衰唔會聽你講．．．你話過點都會令到我變返好，無論果個好係幾少，但對唔住，我今日要同你講，你既付出係有收穫架！最後要講既係，有時做ｄ野唔好太孰著，慢慢來又好點都好，太孰著就係唔好麻．．

容姐，唉．．你俾我煩死喇！不過唔玩喇，依家真係講真架喇！其實識到你呢個ｆｄ我真係幾開心，其實你都可以做到一個好既寧聽者，我睇得出，你幾在乎你ｄ朋友！不過，我從來無諗過我呢個咁既人，你都曾經有在乎過我！到依家少少又好，點都好，我都要同你講句，多謝你！你聽過我訴苦．．你聽過我伸，真係對唔住，要你花時間去聽我訴苦，係度伸，影響埋你心情，其實講真我有Ｄ內疚！對唔住！我諗係１ｂ班，我講對唔住講得最多既係對你，因為仲有最近果件事．．我諗你識得最衰既一個ｆｄ係我喇．．第一次聽我訴苦整喊左你．．之後果單野你又想喊．．對唔住喇，我真係好衝動好火爆．．成日ｈｕｒｔ到你咁！記住，將來點都好，好好珍惜你既好朋友！無論將來變成點都好，善良既心，珍惜既心，重視既心唔好變．．．其實你真係好好！有時唔好諗到自己好衰咁．．唔好諗到咩都係自己錯呀！

清姐，我諗你都係睇唔到架喇，咁忙，不過如果有好心人幫我轉述既，我諗你都會知既！記唔記得你上學期果陣呀，我上堂發夢果ｄ，你都會博命咁拍醒我，為既都係要我好好地聽書，學多ｄ野，對唔住，我上學期無乜．．但，你既付出都係有收穫，我下學期開始訓唔到．．好少訓．．ｔｈｘ　ｘ１００％！你都聽過訴苦，我仲差ｄ喊左俾你睇，不過我唔會架，我會盡我既能力去撐住．．唔想俾個衰樣你地睇到呀！＞＜！我．．真係唔知講咩．．只可以講既係．．對唔住呀！

寶怡姐，５５．．．有壓力ｔｉｍ．．你成績好掂呀！其實我係小學係你既ｆａｎｓ黎架！次次班獎我都係度狂ｕｐ，一定又係練寶怡啦，唔駛諗喇！哈哈！我覺得你真係好叻！記住，雖然無敵係最寂寞，但其實只要你每次盡左你既能力，就足夠，唔駛好刻意退讓呀！

琳姐同佢細妹，５．．．你地都係好人黎既！但有時諗ｄ野係負面左架！可能你唔覺，但當你之前有少少野嬲左你個ｆｄ，睇野就會開始負面左，諗果個人既野都係負面左，而你講既優點，多數都係之前既，而依家會慢慢變左愈來愈少咁．．要改下喇！呢個係好易令到你同ｄ　ｆｄ疏遠既問題之一黎架！！無論將來你地真係嗌左交都好，都唔好去到咁盡，唔抵架！嬲完就唔好再諗返個ｆｄ既衰野喇！要學會原諒，唔好咁兒戲呀！

雲，其實你幾玩得架！而小氣既性格愈改愈好，你進步左好多呀！真係架！你要ｋｅｅｐ住呀！知無！

寒熟華，哈哈，最後一次拎你個名黎玩喇！對唔住呀，成日寫錯你個淑字，打應該唔會打錯掛？識左我咁耐，係咪好大收穫呢？忍耐力勁左咁多！！多謝我啦＝　＝唔玩喇，我要同你講既係，對唔住呀！我整喊過你啦！無諗過你係咁軟弱架救命！不過你已經堅強左架喇！ｇｄ！唔知講咩喇！仲有呀！ｄ英文我俾你屈過最多４次呀．．有為你有一排咩都話要交＝　＝記住聽清楚指示呀＝　＝仲有，講野都再練大聲ｄ，唔好掛住樓下樓下咁喇，唔好學ｍｃ呀，呵！

陳麗婷小姐，俾我煩得開唔開心呢？拿，一定要答開心呀！哈！上英文堂見到你係度發夢啵，只要係適當既時候唔好發夢就得喇！不過你堅既係，點發夢你都保持到水準，如果你保持到水準之餘又可以進步，我真係俾１０萬個．．．．．ｇｄ你！呵！

唔知再講咩好．．．唔打住．．