| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
 
2006 年 2 月 2 日 星期四  |   |
恭喜阿哥＆８５問！∼  |
阿哥得咗喇∼！魷魚終於做咗我阿嫂！∼祝佢地恩恩愛愛！∼
今日玩８５問！∼
希望大家更加了解我！！！！
--習慣題--
001> 用左手定右手食飯 ： 右手
002> 用左手定右手寫字 ： 右手
003> 幾耐換一次床單 ： 兩個禮拜
004> 去茶樓飲茶會自己再洗杯嗎 ： 會呀∼不過好多時阿媽都唔俾！∼
005> 修剪手指甲會先剪左手定右手 ： 剪左手先！
006> 修剪腳甲會先剪左腳定右腳 ： 唔定喎∼
007> 一日食幾多飯 ： 要返學就兩次，唔使返學就一次∼
008> 沖完涼會先著衫還是褲 ： 冇定∼
009> 搭小巴會如何叫司機停車 ： xx有落
010> 看書會先看結局還是由頭開始看 ： 有時睇結局先，有時由頭開始睇∼
011> 手表帶左手定右手 ： 左手
012> 手機是長開嗎 ： 係呀∼！
013> 每日打比邊個係最多次數 ：媽咪
014> 沖完涼抹完身的濕毛巾會如何處置 ： 放去洗衣籃
015> 洗完頭會吹頭嗎 ： 夜洗頭咪會囉~
--選擇題--
001> 毀容定無仔生 ： 無仔生∼
002> 日日家嘈屋閉定離婚 ： 離婚
003> 生暗瘡定痔瘡 ： 暗瘡
004> 比狗咬定中白鴿屎 ： 中白鴿屎
005> 比人殺定自殺 ： 比人殺
006> 通常睇醫生唔食藥定食藥唔睇醫生 ： 食藥唔睇醫生∼
007> 比陌生人打,你會打返佢定打999 ： 打返俾佢
008> 淨係可以洗一樣,你會洗腳定洗頭 ： 洗腳
009> 早餐想食栗米片定麥皮 ： 栗米片
010> 想身體健康但偏肥還是model身型但貧血 ： 貧血
011> 比人話樣衰定性格差 ： 樣衰
012> 多人追定無人追(包括男人同女人) ： 冇人追
013> 比人爆一個樽定狠狠打十巴 ： 爆樽
014> 髮泥定噴髮膠 ： 我不嬲都唔用呢d野
015> 冷氣機定電視 ： 冷氣機
--假設題--
001> 某日你在海中心遇難,如果只可以在船上帶3件物件去一個荒島等救援,你會帶邊三件物件 ( 選項：一把生果刀/ 一枝500mL的水/ 三根火柴/ 一條30呎長的棉繩// 5個啤酒
樽/ 一張單人床單/ 一對穿洞的膠水鞋/ 一塊鏡/ 3罐即食腸仔) ： 水、膠水鞋同腸仔
002> 第時個仔/女叫咩名 ： 唔知呀∼！
003> 玩遊戲輸了被罰,你選擇被罰強吻定打把一個陌生人： 打
004> 如果有一百蚊,但一日內要剛好用晒,你會點用 ： 買晒野食
005> 如果你搭的士發生車禍就黎死,你會同個的士司機講乜野： 三九唔識七，冇野好講
006> 你想開一個怎樣的生日party： d fd全部黎晒，仲要係k房搞
007> 如果可以唔駛錢仲包埋材料、器材咁學一樣野,你想學乜野： 學色士風
008> 你想要細佬妹嗎? 為何想要或不想要： 唔想∼因為唔想煩∼
009> 如果要你cosplay一個卡通人物,你會扮邊個： 米路∼
010> 如果18歲時你或者女友大左肚,你會點處置個baby： 生佢落黎
011> 如果燈神顯靈比三個願望你,你會要乜野願望：屋企人身體健康、可以日日都好開心、再要多三個願望
012> 如果迪士尼請你扮演迪士尼裡面其中一個人物,你會扮邊個 ： 鋼牙
013> 如果要學阿拉伯文、西斑牙文同西藏文,你想學邊一種 ： 西班牙文
014> 如果去日本旅行要問路,而你不懂日文,對方又不懂英文, 全街
只有他一個人,你會用乜野方法向對方問路： 畫公仔
015> 如果學校強制性要你參加一個天才表演, 你會表演乜野： 唱歌∼
--喜好題--
001> 白切雞定豉油雞： 白切雞
002> 喜歡punk定Lolita的裝扮比較多： Lolita
003> 咖哩雞飯定星洲炒米 ：星洲炒米
004> 乾炒牛河定滑蛋蝦仁飯 ： 乾炒牛河
005> 鐘意食咩糖水：芒果西米露
006> icq定msn ： msn
007> 鮮奶定豆漿 ： 鮮奶
008> 雞蛋仔定格仔餅 ： 雞蛋仔
009> 排球定籃球 ： 排球
010> 鐘意邊度的菜式 ： 日本
011> 喜歡哪間航空公司 ： 冇
012> 元綠壽司定元氣壽司 ： 元綠壽司
013> 喜歡打街機定屋企打 ： 屋企打
014> 世史定中史 ：兩樣都唔鐘意！
015> 物理、化學定生物 ： 全部都唔鐘意∼
--憎惡題--
001> 榴槤味定坑渠味 ： 榴槤味
002> 乜野都鐘意串人既煩人定遇到邊個都發晒姣既姣人 ： 乜野都鐘意串人既煩人
003> 踩狗屎定比人嘔落自己個身度 ： 踩狗屎
004> 被發現無拉褲鏈定被發現有 ：
005> 口臭定頭臭 ： 口臭
006> 藥油味定殺蟲水味 ： 藥油味
007> 五音不全的歌聲定鑽牆聲 ：鑽牆聲
008> 蠢人定懶人 ： 懶人
009> 見死不救的爛人定沒本事的自大人 ： 見死不救的爛人
010> 熟睡時響的電話聲定鬧鐘聲 ： 電話聲
011> 嬰兒的哭叫聲定父母的訓話聲 ： 嬰兒的哭叫聲
012> 搭車時肚痛定作嘔 ： 肚痛
013> 發酒癲的人定蠻不講理的人 ： 發酒癲的人
014> 一腳踏兩船甚至幾船定搶人男朋友或老公 (女朋友或老婆) ： 一腳踏兩船甚至幾船
015> 煙味定好勁的汗味 ： 好勁的汗味
--突發題--
001> 如果你知道3個鐘之後你一定會死,咁你會點： 同自己d fd玩
002> 你著乜野碼的衫： 中碼同細碼都得
003> 你著幾多號鞋： ３６－３７號
004> 喜歡冷麵定湯麵： 冷麵
005> 如果你見到有架車就黎會撞到個小朋友,你會點做： 推開個細路
006> 你左手而家做埋乜野： 打字
007> 你相信《相對論》嗎： 冇意見
008> 你對宗教的看法是甚麼： 冇意見
009> 你仍然會用手寫信給朋友嗎： 會
010>你喜歡講電話嗎?如果喜歡的話每日平均會講幾耐電話： １個鐘∼
|
|
刊登時間︰2006-02-02 11:25 PM [ 訪客留言(0) ] [ 編輯日誌 ] [ 分享至FACEBOOK ]   
|
| 2006 年 2 月 1 日 星期三 | |
睇戲呀~  |
今日八點就起身喇!~
因為約咗阿哥、魷魚同周美睇"賊壇新人王"~!
我好準時9點去到果度等佢地~
佢地冇一個到~我最早~!
等咗一陣，豺狼就到喇!~
但周美佢地仲未到，因為周美遲咗起身呀!!
再等多陣佢地就到喇!!
之後就買飛啦~仲有好多位呀!~
買完飛，見仲有半個鐘~就去"吉野家"食早餐~
食野果時，俾周美佢地笑死~周美仲倒瀉咗杯水添~!
食完就去睇戲啦!~
周美一俾咗張飛人，就搭電梯。但其實我地唔使搭電梯!
結果要搵專人同佢搭"車立"落黎!~
之後就睇戲啦!~
占基利o既演技真係好咗!~
總括o黎講~成齣戲真係好正!~尤其係個結局!~
睇完戲就去"仙跡X"飲野~因為魷魚牙哥係果度做，所以有9折呢~
飲完野就去ＴＷ~!
我地第一站係去影貼紙相!~
阿哥影到成個女仔咁樣!
好好笑呀!~
影完就周違行!~
行到兩點幾先返屋企!~
返到屋企就狂玩電腦~
-----------------------------------------------------------------------------------------------------------------------------------------
日日都係咁好悶呀!~
又唔想做功課喎!~
聽日一定要開始做功課!!!!! |
|
刊登時間︰2006-02-01 11:23 PM [ 訪客留言(0) ] [ 編輯日誌 ] [ 分享至FACEBOOK ]
|
| 2006 年 1 月 31 日 星期二 | |
| １００問呀！∼∼∼∼∼ |
1. 一生人以來第一個偶像： 黎明
2. 希望住怎樣的房子： 要有一個露台
3. 天生是腸胃好的人嘛： 係．．．．．掛？
4. 覺得自己自私嘛： 有時啦！∼
5. 有邊個人曾經令你希望自己成為佢： 冇∼
6. 對香港的感覺： 中西薈萃
7. 覺得自己會點死： 訓訓吓覺死咗∼
8. 有冇乜野事你好後悔當時做左呢個決定： 好多喎∼
9. 有冇睇過邊套戲令你久久不能平伏： ”這個阿爸真爆炸”
10. 你覺得你自己係一個偏向思想正面定負面既人： 負面
11. 現存最「古老」的記憶： 細個返大陸過新年
12. 曾經自己一個人做過些甚麼事： 好多．．．．．
13. 有邊個明星你欣賞佢但係佢稱唔上係你「偶像」： 側田
14. 有邊個明星稱得上係你偶像但其實你都唔係覺得佢咩太多野值得你欣賞： 梁家輝
15. 討厭自己邊D性格： 懦弱
16. 試過睇咩戲//電視劇睇到喊： ”９個女仔１隻鬼”、”魂魄唔齊”、”再見營火蟲”
17. 喜歡結識新朋友嘛： 幾啦∼
18. 一件最近想擁有的奢侈品： 好多∼
19. 希望退休後有甚麼生活： 安定就夠喇∼
20. 對上一樣令你忍唔住講出一聲「好好味」的食物： 意大利芝士蛋糕
21. 小時候對世界有過些甚麼誤會： 唔記得喇∼！
22. 首個令你有性幻想既明星： 冇
23. 對隆胸有咩感想： 冇∼
24. 好多人都話你唔應該咁做, 但你冇後悔既事： 唔知！∼
25. 數得出一堆你願意更加珍惜佢地既朋友嗎： 周美、魷魚．．．．．
26. 多唔多人你對佢有過好感但後來感到有D後悔： 幾啦∼
27. 遺傳了家人的甚麼特質： 身型矮小∼
28. 喜歡的遊戲： 勁多∼
29. 有冇作過一D令你自豪同回味既決定： 自己俾錢買手提∼
30. 幾時開始清楚自己鍾意男仔定女仔： ３、４歲
31. 信唔信輪迴轉世： 一時時啦∼
32. 愛情, 友情, 親情, 請排序： 親情、友情、愛情
33. 甚麼讓你最恐懼： 最好o既朋友唔理我！！！
34. 有冇堅持使用邊d牌子既產品： 冇∼
35. 有冇邊D朋友你覺得//希望可以同佢熟D, 但實際上又未熟得晒//唔熟： 河粉∼
36. 幾歲時第一次鍾意異性 (或同性)： ９歲∼
37. 對怎麼的生活有過憧憬： 唔知呀！∼
38. 較喜歡媽媽還是爸爸： 媽咪∼
39. 甚麼讓你感到尷尬： 好多．．．．
40. 用十個字眼來描述的近來既生活： 諗唔到１０個字咁多！
41. 而家諗返轉頭唔明自己點解當事要咁做既事： 冇
42. 曾經最深愛//敬愛過的三個對象： 唔講！！
43. 在網絡上有甚麼財產(eg. 日記, 網頁…)： 日記．．
44. 你有冇一D「特異功能」： 發夢夢見o既野會實驗
45. 有冇一個你以為實現到, 但其實唔可以既「夢想」： 有一座城堡
46. 喜歡的品牌： 唔數喇∼
47. 你願意花時間學習些甚麼東西： 舞蹈
48. 最喜歡看異性的哪些部位： 眼睛
49. 你會唔會選擇一腳踏兩船： 一定唔會
50. 有冇懷疑過自己既性取向： 冇
51. 只可以用一個詞語黎形容你自己既性格, 你會用咩詞語： 諗唔到喎！
52. 對上一件由衷感到感動的事： 六年級時候，成班同學唱生日歌俾我聽∼！
53. 曾經約會過不算熟絡的網友出來見面嘛： 冇！！
54. 希望死後火化還是怎樣： 無所謂啦∼
55. 最近最煩惱的事是： 唔知唱k定睇戲好！！！
56. 有冇一個moment如果你做左另一D決定, 就會大大影響左你既一生, 有的話是甚麼事： 冇！
57. 承上題, 受到呢件事影響, 你估計你既人生有咩唔同： 冇
58. 愛過的人中有些甚麼不堪的性格： 唔知∼
59. 希望將來住o係邊： 香港
60. 有咩事你一遇到就會覺得好噁心： 見到人地xxx......
61. 從事過甚麼工作：冇！
62. 有咩人你好感激佢但唔好意思同佢講： 唔講你知！∼
63. 有冇曾經俾人偷過乜野： 有∼
64. 經常講大話嘛： 幾啦∼
65. 覺得自己傾向是實際還是不設實際的人： 實際
66. 最希望睇到邊兩位藝人結成一對： kenny同isabella
67. 親友怎樣形容小時候的你：好可愛
68. 算是怕悶的人嘛： 算呀∼
69. 你算是一個吝惜給予別人讚美的人嘛： 唔係∼
70. 初次接觸電腦係幾時： ４年級
71. 由細到大曾經希望過從事咩職業： 作家
72. 最有恆心做的一件事： 日日晒乾d花做飾物
73. 曾經想過加入誰的fans club： 冇
74. 曾經希望過自己出生於邊D國家： 日本
75. 依賴性強嗎： 一般啦∼
76. 數得出三個令人有厭惡感的人嘛： 威姐．．．．
77. 有冇同過邊D明星合照： 有
78. 有幾多經常提及的香港地方你是從未去過的： 太平山頂
79. 有冇乜野「古怪」既習慣： 諗唔起∼
80. 人生當中暫時有邊D稱得上係轉捩點： 小學升中學
81. 父母曾經為你的甚麼而感到自豪： 成績
82. 有冇乜野經歷到而家仲成日俾長輩提住： 唔知∼
83. 有沒有甚麼東西你的朋友都不喜歡, 只有你一個喜歡： 冇
84. 有沒有甚麼東西你的朋友都喜歡, 只有你一個不喜歡： 冇
85. 有冇邊個地方你去完聲稱以後都唔想再去： 冇乜∼
86. 發生甚麼特別事第一個搵的朋友： 失戀
87. 有冇特別喜歡邊幾個中文字： 個”恩”字
88. 慣於「明戀」定「暗戀」： 暗戀
89. 印象較深的電影對白： ”我地係兩個世界o既人”
90. 有冇嘗試過訓練自己的非慣用手： 有呀！
91. 想變成另一個性別嘛： 唔想！∼
92. 印象最深的小學同學： 成曉彤∼
93. o係icq多數用咩mode： 唔用icq
94. 邊D地方令你有愉快既回憶： 小學∼
95. 邊D地方令你有不快既回憶： 小學∼
96. 有咩事你一遇到就會有莫名的厭惡感： 俾人鬧
97. 數出十樣最喜歡的東西： 唔數！
98. 第一張擁有的CD： 唔記咗個名∼
99. 曾經迷戀過邊D明星： 好多好多∼
100. 最近有咩口頭禪： 唔講∼！因為係粗口∼！ |
|
刊登時間︰2006-01-31 11:40 PM [ 訪客留言(1) ] [ 編輯日誌 ] [ 分享至FACEBOOK ]
|
| 又玩１００問!~ |
1.屋企最貴既野係? 唔知呀！∼
2.屋企幾多房幾多廳? ２房２廳
3.有photo album嗎? 有
4.你屋企望出去是甚麼風景? 海同墳墓
5.你家中既門係咩色? 杏色
6.對兄弟姊妹嚴厲嗎? 一般啦∼
7.會對屋企人發脾氣嗎? 會！∼
8.如果不開心,會半夜三更打電話到朋友訴苦嗎? 唔會∼怕俾人鬧∼
9.你現在聽緊甚麼歌? 陳奕迅－－不然你要我怎麼樣
10.你現在穿著甚麼衣服? 睡衣
11.最中意邊個香港歌手?! 容祖兒
12.最中意邊個日本歌手?! 平井堅
13.最中意邊個臺灣歌手?! Ｊａｙ Ｃｈｏｗ
14.最中意做D咩?! 訓覺∼
15.最中意邊個?! 自己
16.最中意同邊個玩?! 臻臻
17.最中意咩歌?! １６號愛人．．．．．．．
18.最愛既人係邊個?! 媽咪
19.最掛住既人係邊個?! 成曉彤
20.最心愛既野係咩?! 一隻松鼠公仔
21.最關心既係邊個?! 媽咪
22.最DOWN既時候係幾時?! 唔記得ｌｕ∼
23.最中意咩通訊工具?! 手提電話
24.最中意邊個異性朋友(唔可以係拖友)?! 唔知∼
25.最錫既人係邊個?! 自己∼
26.最冇辦法接受到既野係咩?! 自己男朋友同自己最好朋友搞埋
27.最好笑既朋友係邊個?! 豪媽媽
28.最肥既朋友係邊個?! 楊卓ａ
29.最令你開心既人係邊個?!Ｒａｉｎ組
30.最講得心事既係邊個?! 周美
31.最中意TVB邊個男演員?! 冇個鐘意∼！
32.最中意TWINS邊首歌?! 德州的故事
33.最想邊個做你爸爸?! 謝君琦
34.最想試下同邊個拍拖?! 唔講！！！
35.最怕係街度撞到邊個?! 老師
36.最想知佢諗乜既人係邊個?! 姜姜
37.最唔想發生既野係咩?! 有任何人唔開心
38.最易令你觸電既異性係點既?! 成日都好關心我
39.最冇能力做到既野係咩?! 同自己鐘意既人講”我鐘意你 ”
40.最中意邊隊組合?! Ｔｗｉｎｓ
41.最中意邊個網友?! 牙草
42.最矮既朋友係邊個?! 食糖兄
43.最高既朋友係邊個?! 豪媽媽∼
44.最中意FIONA邊首歌?! 南瓜車
45.最靚既朋友係邊個?! 臻臻
46.最中意咩電器牌子?! 唔定∼
47.最黑你憎既歌手係邊個?! 郭富城
48.最好聽既合唱歌係咩?! 目黑
49.最好聽既失戀歌係咩?! 多謝失戀
50.最鐘意邊張相? 同成曉彤ａｎｄ陳靖婷一齊影果張∼
51.你中文名好唔好聽? 幾啦∼
52.你英文名係邊個同你改? 阿姨
53.你呢個電話號碼用左幾耐? 兩年有多喇！∼
54.你想唔想轉電話號碼? 唔想
55.你用緊咩電話繩? 加旋
56你留唔留指甲? 一時時啦∼
57你鍾唔鍾意自己個髮型? ｏｋ啦！
58.你而家戴緊咩飾物? ｎｅｃｋｌａｃｅ同手帶
59.你有冇化妝? 你會唔會化妝? 冇，唔會
60.你有冇近視? 有冇戴眼鏡? 冇近視，但有戴眼鏡
61.你出街有d咩一定要帶? 銀包、手提、紕巾
62.你最近買左咩係用得最多錢? 冇∼
63.岩岩對上食左咩? 瓜子
64.岩岩打比邊個? 媽咪
65.岩岩對上接邊個電話? 臻臻
66.岩岩send sms比邊個? 冇
67.岩岩收邊個sms? 冇
68.岩岩聽首咩歌? ９４３４０６３４
69.岩岩對上搭咩車番屋企? ４９ｘ
70.岩岩對上一次邊個上過你屋企? 唔記得∼
71岩岩對上一次發脾氣係因為邊個? 媽咪
72.發脾氣係因為咩事? 唔講
73.出門口要準備幾耐? ５至１０分鐘
74.附近多唔多地方行: 幾啦∼
75.用乜野銀包: 米奇
76.用乜野ＭＰ3: 壞咗喇∼
77.有冇染髮: 冇
78.最唔鍾意食乜野: 藥
79.最唔鍾意飲乜野: 藥水
80.最想收到乜野禮物: ＭＰ３
81.劉浩龍/周國賢:劉浩龍
82.薛凱淇/梁洛施: 梁洛施
83.古巨基/許志安: 古巨基
84.容祖兒/楊千嬅: 容祖兒
85.數三個靚仔明星: 數唔出
86.數三個靚女明星: 數唔出
87.鍾唔鍾意大長今: 幾啦∼
88.鍾唔鍾意閩大人: 幾啦∼
89.國語叻唔叻: 唔係好掂∼
90.識唔識照顧細路: 識識地∼
91.邊個好朋友識得最耐,幾耐: 周美，６年幾∼
92.有冇唔係識左好耐既好朋友，邊個，幾耐: 臻臻，４個月到啦∼
93.有冇係網上遇返失散既舊同學: 冇喎∼
94.有冇係網上ＦＤ到同校但唔識既人: 冇∼！
95.鍾唔鍾意聽收音機: 一般啦∼！
96.鍾唔鍾意上網: 勁鐘意∼！
97.宜家聽緊乜野歌: 劉浩龍－－緋聞男友
98.宜家諗緊邊個: Ｒａｉｎ姐
99.自選問題: 唱ｋ同睇戲，鐘意邊樣多ｄ？唱ｋ
100.現在的時間是: １２：４４
|
|
刊登時間︰2006-01-31 12:28 AM [ 訪客留言(0) ] [ 編輯日誌 ] [ 分享至FACEBOOK ]
|
| 2006 年 1 月 29 日 星期日 | |
| 新年快樂~! |
今日係年初一，係度同大家講句"新年快樂"
祝大家︰要咩有咩、學業進步~拍緊拖果d就恩恩愛愛!~
今日成11點幾先起身!~
因為尋晚同豺狼玩msn玩到成3點，跟住又睇吓野!~所以成4點先訓!~
起身之後就食野~!之後就去阿伯屋企拜年~!
拜完年返屋企都只不過係五點幾!~
之後就訓覺~!訓到成9點半先起身!~
屋企一個人都冇，佢地全部去晒長發食飯~!
----------------------------------------------------------------------------------------------------------------------------------------
而家好精神呀~!
要玩喇!~拜拜!~ |
|
刊登時間︰2006-01-30 06:36 PM [ 訪客留言(0) ] [ 編輯日誌 ] [ 分享至FACEBOOK ]
|
« | 25 | 26 | 27 | 28 | 29 | 30 | 31 | 32 | 33 | 34 | »
|
