病佐阿，好慘，所以今晚就親自下廚，整繙D中意食噶食物俾自己儅獎勵啦！

首先我就買佐副豬肺同一個雪梨打算煲湯！先將豬肺洗到乾乾淨淨再乜都唔好放，炒下，出下水，甘樣，豬肺就唔會再臭腥味啦！記得一定要 炒到變曬金黃色，先OK咖！跟住就要洗乾淨D料啦！再加多塊豬骨同一個雪梨落去就可以好滋潤啦 好岩秋天咖！就可以開火煲啦，一個鈡到，就可以變到好白噶湯湯啦，到最後先放鹽同少許噶雞精，更加美味！

另外一道就係意粉啦，因爲炒會比較油膩，所以我選擇煮！先將意粉用水泡軟，更容易煮！   再切好需要噶番茄，去皮！再將牛肉切成粒狀，因爲我比較中意咬野，所以我將牛肉切成小長方型。放糖、醬油再加少少嫩肉粉，為了健康，我選擇放了一點橄欖油，再一起攪拌，放一邊 將意粉煮熟，撈起！ 把火腿切成片狀，中意仲可以加上香菜。 將剛才切好噶番茄加茄醬一齊攪拌，煮成茄醬汁，煮噶過程中要加少少生粉，可以令茄醬成糊狀，食時更滋味！  最後就放兩滴橄欖油去意粉度攪拌，落鍋炒兩秒鐘，記得兩秒就好啦！最後一步就係將鮮美噶茄汁澆上意粉上面啦 OK大功告成！我試佐下，哇！味道真讚！