２５/８：我今日９點幾就同媽子、表姐、舅母去左深圳，跟住搭的士，媽子同個的士司機好好傾，有講有笑= ="佢同邊個都咁好傾...跟住去到姨姨個店舖度，坐左陣就去左飲茶，有成廿個人，見到佢果兩個仔，佢地變左好多，可能我都變左好多啦，所以佢地都唔多記得我喇！！之後去左佢屋企落低D野就去左佢既公司，原來媽子同舅母去果度照X光，險查身體，我同表姐就悶到死，悶左３、４粒鐘，終於走得，可能早起身，所以我係車度訓著左，好彩係佢地既私家車，唔係我訓教既樣就俾人睇到晒喇！！本來諗住去剪頭髮，都無去到lu...跟住夜喇，食左飯就返左佢屋企，好彩有車，唔係就行死喇，佢個仔坐我隔離，搞到我好唔自然，唔知點咁？！上到佢屋企，就去左沖涼，沖完就去睇電視，表姐話想食炒田螺，so佢個大仔同我、表姐一齊去左買喇！！買完，得表姐自己一個食，我就夾俾佢食...之後無啦啦佢地又買野食，搞到我又要食，肥死呀一定...跟住夜喇，所以去左佢大仔間房訓，我同表姐訓...佢間房好大呀，所以我好奇心驅使我去四圍睇佢間房既野，我搵到佢去長城既相同好漢証書，笑到我死=v="咁既野都有...又搵到一條頸巾、佢同佢條女既貼紙相...搵完野，都成２點喇！！所以我同表姐就訓教lu...一日就咁過左！！好中２好中２佢張床呀，好大好大，碌黎碌去都得呀>33<""

２６/８：今日１０點幾俾人叫起身又去飲茶，又係好多人去喎...今次又係佢個大仔坐我隔離，搞到我無晒胃口，無食到野...食完野就坐私家車車去左剪頭髮，佢幫我洗左３次頭，成粒鐘係度呀！！仲按摩，搞到我鬼咁痛...我耳骨、耳門發炎，佢仲要整佢，搞到好痛！！之後仲衰，幫我剪到個頭唔知點咁！！唉...佢...真係好想鬧埋佢祖宗十八代，跟住去左按摩店搵媽子，表姐都去左按摩，我就無，係度等左佢地半粒鐘，跟住返到去又食野，坐係度睇大人傾計，好悶，又無街可以行，所以叫媽子俾我留多日，我同表姐兩個去第２度玩，媽子本來叫我住到３１號跟住同姨姨果兩個仔一齊返黎，仲叫我帶佢地去買野，嚇親我，應該唔會咁益我掛！？哈哈...跟住我地就去左拎野，就坐左車車去第２度lu...坐左成粒鐘先到..唉~~~到左又係去食野，舅父個女好得意呀，不斷同隔離一個唔識既哥哥玩，又同我地玩，好搞野呀！！之後返左去佢地店舖行行企企，覺得好悶，所以去左行街，表姐話好驚，因為大６好雜，我反而唔驚，之後表姐睇中左野，不過又想買，又唔想買咁，so無買到！！跟住去左沖涼，沖完諗住等其他姐姐帶我地去網吧玩，我地好開心，終於唔駛悶，點知去到俾人查身份證，唔夠１８歲，無得去玩，又返去悶！！返到去好悶呀！！好彩都有好多姐姐陪我地傾計，傾傾下都到左２點喇！！所以訓教...一日又係咁過左lu...

２７/８：今日我地１０點幾起左身，落左去舖度傾下計咁，跟住陪表姐去買左個袋同錶，我就乜都無買，無野睇岩！！呵...到左１點幾就同表姐兩丁友坐車車去到羅湖，自己過關返香港，表姐話佢係第一次無大人陪過關的，有D驚！！不過我成日都係同家姐兩個人過關架啦，所以一D都唔驚！！不過可能我既證件個樣唔似我啦，成鬼日俾人問我咩名，望住我鬼死咁耐！！表姐又唔駛喎！！唉...慘~~~之後去左坐火車，表姐上水站走左，得我一個！！悶悶咁返左屋企！！我諗呢幾日都會悶架喇！！唉！！