今日係父親節!我同妹妹一早送左個血壓計同手錶比爸爸!

事實上我同爸爸關係好好,所以我比較偏心爸爸!

爸爸雖然脾氣係火爆d(我成家都係),但佢都係個好funny嘅好爸爸!

爸爸不嬲都有哮喘,成日覆診,今年佢又多1樣病血壓高!

無計啊,鬼叫佢肥,高150cm(超矮,我都高過佢)重80kg,嚴重超標!

十足似身懷六甲,行步路都辛苦!!

又唔食小d,又唔做運動(可能怕哮喘),比佢激死!

記得一次佢靜靜雞雞偷食雪榚,比我發現左,我咪話佢囉!

佢就好可愛咁扁嘴,求我比佢食,似足個小朋友咁!

最後我都係心軟放過佢!

呢個唔係好似老豆嘅人,係我心目中嘅地位好高(雖然佢矮)!

爸爸我好愛你呀!