今朝起左身,洗完頭就出左涌美,因為我細佬要買波鞋!   首先去左m記買薯條,然後我同細佬行馬路,呀媽行天橋…..  就黎行到斑馬線既時候,見到張太,請左幾條薯條佢食,呀媽就喺上面同佢打招呼!   去到,細佬就試鞋,我就出左去睇野,睇睇吓見到 irene姨同陳樂恆!  傾左幾句,不過係我呀媽同佢傾!   走左第2度買拖鞋,去左左邊間野度比錢,點知係去右邊果間先岩,,瘀到庳!!係咁比我細佬笑!    之後去買報紙,細佬激嬲左呀媽!!......

之後我同呀媽就去左還書,還完就去搵呀叔佢地,因為約左佢地釣魚!   去左m記食野先~咁又比我換左架白色車仔喇!   之後就去釣….(後有百餘字!)   計埋計埋釣左6,7條度 la…(魚竿就得兩枝,多數都係我呀爸同呀叔釣!)  臨走 d 魚先肯上釣!   之後成桶魚倒番落海!(污染海水,,因為 d 魚死晒架喇…=..=”)

釣完就同左呀媽去葵芳,因為我要剪頭髮…去到hit hair,,呀 ray 放大假….咪話是但 lor….  之後坐左喺度,,等等等,洗頭 lu,洗完又要等!  終於都有得剪喇,,剪完洗頭,又要修喎!   跟住會合番呀媽,就歸家喇!!!       (個頭都ok既~ )