今日係禮拜日,

去左麥當勞食早餐..

跟住去學琴!!

又落雨...>.<

唔鍾意落雨呀!!

姐姐讚我有進步呀!!^^

佢送左張貼紙比我,

幾得意丫..

係一D生果黎嘅..

有D凹凸..

呵呵..

返到屋企,

去左阿媽張床到瞓覺覺..

點知行去第二到果陣,

我踏到我用果把風扇條電線..

「拍!」

跌親__

超痛/口\..

E排真係「黑仔」!

成日都"百"佳..

個左腳菠蘿蓋瘀左../.\

唉..

老豆就幫我搽"跌打酒"!!

痛到起唔到身..Ｔ口Ｔ..

過左成幾分鐘先至勉強起到身!!

之前又"百"佳..

而家又"百"佳..

都唔知點解成日都"百"佳o架..

遲早都變左"百"佳..XD"

跟住就去左沖繩日本料理食午餐,

OK 好食啦!!

食左個鰻魚定食..

返到屋企,

玩左陣電腦去吉之島..

去左美心MX食野,

食左個三色米..

OK啦!!

行多陣街咁就搭車返屋企..

今日冇乜野做..

聽日就要返學喇!!>.<"

唔想返呀!!

但願聽日問鄭老師,

佢比我地六個人一組啦..

唉../.\

今日太好lo，

唔洗返長週!!

正呀..

晏就，

去探阿婆..

超大雨!!

落"狗屎"咁...XD"

搞到我成身濕晒!!

連對襪都濕埋-.-

去到屯門大會堂果邊，

入左一間糖水店..

食左個熱辣辣o既豆腐花!!

好滑呀..

明副其實o既__豆腐花!!XD"

經過幾次又濕又乾o既過程，

終於去到安全地方__阿婆屋企LOR..

今日真係去阿婆到真係困難呀!!

去到阿婆到，

梗係要吹乾個身啦!!

吹左成個字，

終於乾晒喇條褲..

跟住用D夾仔夾住我對"香香"o既襪，

等佢乾..

過左一陣，

突然之間有隻大飛蟻飛左入黎，

嚇得我丫!@.@

好鬼死驚..

至憎昆蟲o架喇!!

跟住三姨媽就用佢隻"千殘腳"踏隻野，

隻野就梗係比我三姨媽踏死啦..

點會逃出佢"腳"趾山丫..XD"

跟住點知死完一隻又一隻入黎，

真係乞人憎呀!!=.="

激死我喇..

跟住我就驚到趴落阿媽到，

阿婆就好大膽咁用廁紙整死佢!!>.<

跟住又入左隻黎，

我心諗:

妖...咁多o架!!

跟住阿婆又用佢"快"到好似蝸牛o既動作，

將隻臭飛蟻殺死!!

終於可以放心喇...

都唔明點解會有咁多飛蟻o架!!= ="

搞錯呀..

跟住最後落左去明星酒樓食飯!!

今日中文堂要分組..

個鄭美玲明明之前話可以七個七個一組，

跟住又話四至五個一組!!T口T

我地個個都唔想分開，

唉..

好慘囉!!

明明又話得，

而家又話唔得..

佢又話可以減一樣唔要，

而家又話唔得!!=V=

搞錯呀?

我地都就黎畢業啦，

只係想開開心心咁分組..

珍惜最後幾個月一齊o既時間，

點解喎?

點解你要咁對我地呀?

點解一定要分開我地o姐?!

好想喊呀!!T口T..

超想喊..

而家都眼濕濕..

唉....

其實其他果兩組四個人一組有咩問題o姐?

又唔係做唔到野，

而且都o岩個工作紙o既要求!!

TO:芝､敏､珊､萍同埋琼

希望..希望可以一組啦我地!!

-----------------------------------------------------------

上美勞堂果陣超好笑呀!!

我地就整一隻蝴蝶喺花到吸花蜜!!

跟住分組坐，

過左一陣..

我同敏就覺得好焗..

敏連睇野都有問題- -

睇到珊塊面係紅色..

其實佢塊面好正常!!

我就覺得有少少呼吸困難..

跟住同個謝老師講，

佢以為我地講笑- -"

跟住拜我地做"阿門"個動作..= ="

我同敏忍唔住喺到狂笑，

跟住我同珊講話:

好辛苦!!

珊就好正經咁同謝老師講，

謝老師就深呼吸話:

我覺得OK WO..

珊就指住我同敏話:

佢地兩個頂唔順!!

我地就話:係呀!!

跟住個謝老師就帶我地去門口，

我出到去就話:

嘩..好清新o既空氣!!

突然，

有一陣好大o既風..

我同敏就即刻禁住條裙..

我就同老師講話:

 嘩..條裙吹起!!

老師見到咁就好驚訝..

個咀歪晒..XD""

超好笑!!

我同敏就係咁笑..

笑到唔停!!XD"

老師就好無奈咁話:

你地入返去啦..

我地就入返去..

跟住我地入返去就同珊佢地講，

佢地都喺到笑..

我同阿敏一諗起又喺到笑!!

個老師行過黎睇我地整野，

佢話:

你地都傻傻地o既!!

跟住我地又忍唔住狂笑，

佢就好無奈咁走左去..

真係超好笑!!哈哈..

跟住差唔多落堂果陣,

諗住抄下功課..

返到屋企唔洗做..

個鄧雪就"懶"正義咁,

報串比老師聽!!

關佢叉事咩?

去做正義超人丫,笨!

跟住老師就行埋黎話:

唔好再做!!

我就等左陣再做過,

鄧雪又見到啵!!

謝老師又見到..

佢就話:

我要扣留你本作業!

鄧雪又八掛到死,

行埋黎搞我坐緊個位個櫃_珊

我有私穩o架!!

佢有咩權呀?

我即刻搶左佢話:

私､人､野!

佢就走左去..

老師就叫我:

「坐定定做啦你!!

你睇下你D字..

幾肉酸!」

我話:

好靚o架喇D字..

跟住就落堂..

心底話:

「好憎個鄧雪呀!!

我做乜都關佢事咩?

佢唔做冇權阻住我囉!!

成日報串..

至憎E 種人o架喇!!

佢自己做D唔好o既野就理直氣壯咁!!

又唔見我報串比老師聽?

如果比我下次見到你做E種野,

你就死!!

我一定會報串比老師聽..

你不仁,我不義。」

今日又要返學喇..

真係慘慘T口T..

超唔想返囉!!

個鄭美玲今日又教番我地..

超級悶呀!!

想玩下又唔得，

傾計又唔得，

做功課又唔得!!

唉..

要喺到呆坐聽佢發UP風，

講黎講去三舊"屁"!!XD""

佢好煩囉，

講一樣野講幾十次，

搞到明明諗到果D野都比佢嘈到諗唔到__

好乞人憎呀!!

唉..

仲有一樣野係仲更加慘o既T口T..

就係__就係..

個衰人梁家俊竟然轉去坐我前面!!

我情願黃梓峰坐我前面好過喇，

佢成日喺到打我..

好想爆粗鬧佢囉!!

矮又矮過人，

樣衰又樣衰過人啵..

喺到扮晒野，

煩住晒!!

好想打死佢呀!!

又成日同郭雋樂傾計，

好鬼死煩呀!!

都唔知咩人黎o架，

我諗佢梗係喺太空黎o既矮仔!!XD"

天呀!!點解要個咁衰格o既人坐我前面，虐待我!!

 今日又要返學喇..

唉..

個鄭美玲要去評審員，

所以就有個新代課老師黎。

個老師真係好鬼"高"!

佢到我耳仔..

我仲高過佢=.="

實在太過"高"喇!XD"

跟住，上上下音樂堂就覺得好累!

本來就趴左喺到瞓覺覺豬..

點知抽號數抽中我又要答問題喎，

都唔知佢UP緊乜，

搞到又要罰陣企..

真係慘慘..Ｔ口Ｔ

好在..之後終於知番佢UP乜，

終於可以坐番低..

鬼死咁累仲要人地罰企-.-

唉..

好唔想返學呀我!

點解要返學WO?

成日都要對著個鄭美玲!

成日都比佢鬧喎..

唉...

慘慘...點解?

點解個天要咁樣對我?

點解要我對LE個老師啵?/.\

但願，

上到中學時，

可以遇到個"好"老師啦!