岩岩.

做左一個決定

可能有人會覺得我好傻

有0.1%既機會

都唔去爭取

但係

我諗左好耐

我發覺自己

仲未係時候

當見到你同其他人既態度同我既態度既時候

我就感覺到

其實由果一日開始

我地冇可能再變番好似以前咁

可能你覺得你呢家同以前冇咩大分別

但係我 覺得 你已經唔係以前果個你 whatever

你都唔會聽我講:)

人地同你講一句 你就會聽

我同你講十萬九千句 你都唔會聽

人地問你一句野 你會答

我問你n次 你都唔會答我:)

永遠對你既關心 系你眼中只係我有野想求你先咁樣

永遠只有我搵你 唔會你搵我

其實真係唔想日日煩住你 只係 我得咩?

就好似上左癮咁 唔搵一日都會死咁滯 但係搵左 又點?

每次 想搵你 我認 我份人係悶 但係 你既不耐煩

完完全全咁 展露哂出黎

你想點?唔想理我咪出聲 有必要咁樣?

有時見到你同其他人仲好傾過同我

講真果句 心入面係有妒忌

經常諗住一D冇可能發生既事

時時刻刻提醒自己 一定冇可能

可惜自己仍然係繼續諗

系果個時候

就會諗

究竟我係咪連你一個普通朋友都不如?

定係你根本冇當過我係你朋友?

我咁做 冇咩特別意途

我呢家 唯一擔心既只係 暑假

你會唔會晚晚都唔訓?你會唔會夜晚冇人煮又唔食飯?

雖然我都知 我呢D擔心係多餘

但係我只係想你 識得為自己身體著想

我知道我唔係你既邊個 冇權管你既生活

但係我都只係想你身體好

以後既日子

只係想你開開心心咁過

唔好再為一D小事而搞到自己唔開心

發生D咩事 希望你都可以搵下人傾

唔好成日自己收收埋埋

你肯聽人地訴苦 反之人地都肯聽你訴苦

不過見你呢家咁開心 應該都唔洗系呢方面憂慮啦

說過的承諾 或者你已經唔記得哂 或者唔當係一回事

但係我可以同你講 我全部都記得

無法兌現既承諾 你仲記得的話

你就當我係講大話呃你啦 反正我知你都唔會在意 亦從來冇相信過我既說話

有緣的話 遲早都會有機會為你實現呢D承諾

或者你睇到呢篇野果時都唔會有咩感覺

最後想同你講既係

希望你以後都開心 因為 實在唔想再見到你喊 唔開心既樣

希望你 同佢 可以有個好既發展

我認我係一個自私既人

我因為唔想再同你系呢d咁複雜既關係入面而自己作出決定

我認我係唔想因為再同你既接觸而令我放棄唔到

雖然時間未必淡忘到一切

但係時間可以證明一切

到時

個結果就自自然然會出黎

雖然我都知你唔會認同呢種講法

我同你既性格差太遠

anyway

對唔住.

唔好再遇到好似我呢d咁on 9 既人

有個好既生活

BYE