兄弟姐妹們你地好=.=我發覺我真係老左.....

話說前日定唔知前兩日...

學校舉辦左一個叫班際越野賽之類既物體...

張野度寫住話全程只係得果2.5km...

我見條路短得咁緊要...

咪打算落場玩下囉/___\只要唔包尾就得啦~

點知....

一開跑 我地應聲彈出~

開頭仲同小豪鄭俊兩條變態佬鬥緊=.=

當時我心入面仲話緊好easy者~想包尾真係好有難度^^

3分鐘後......

我開始覺得有小小唔對路......

我話無理由既...我運動雖然唔算得上係勁...不過都無理由跑左一個焗杯麵既時間都覺得攰

再過1分鐘....一條宏偉既奪命大樓梯就呈現係我眼前

可你個惡...對臭腳好唔聽駛地自己停左落黎@[email protected] shit.....

幾經辛苦捱過左條樓梯後..我發覺我已經係尾3=.=......

本來自己都好想停低稍作休息..

不過連d細粒過我既人都堅持住

自己一個停落黎好似樣衰左d...算 頂住><...

黃俊呢個惡魔就係呢個時候黎引誘我停低=.=

真係老啦....我地兩個老人家就幾乎係行返去終點=.=.....

好光榮地包辦9,10名T.T

今日體育堂....踢波....

我地黃社比紅社班變態狂人抄8比1~>.<~....

雖然有好幾球係如花大姐同冼兄擺烏龍自己頂入自己龍門..@.@

不過我對成場比賽都好似無咩貢獻T.T

偶然都可以搶到人地個波既....不過我既眼界奇差....

傳親波幾乎都比人截到T.T...

再一次証明左我已經老左呢個事實~~~~>@<~~~~

點算.....有無人可以教教我應該點做~~~~>@<~~~~

唉.....

                                                                          兄弟姐妹們留cm呀=.=.....