今天老闆終於返工啦,公司又充滿他嘅吵抄聲,
非常刺耳,令人難受.內容重覆又重覆,無哋新意,
虧佢以為自己好叻添,吹水唔抹嘴.

公司有個新人,來左二個月左右,但係我唔鍾意她.
可能之前喺同業銀行做過,所以她好多基本野都識,
本來應該無問題嘅,但係呢個人太怪啦.
依家天氣無30度都有29度,太陽唔知幾猛,
但她午餐時候行出去都要著住冷衫,發冷咩?
我哋平時出入營業內廳都係近門口呢個同事負責開門,
而她就坐左係嗰度,但叫她開門真辛苦,
做緊野時固然唔理人,唔做野時又掛住同其他人講野,
敲她窗又話人,唔敲她窗又睇唔到.
好似今日咁,有個客攞左現錢要兌換英鎊,
原本她做係理財窗,我個理財客應該交俾她做,
但係我攞住啲錢行去她窗前,
只見她低頭係度禁緊野,好似電話之類,
我喺她前面等左幾十秒,她都無意識要理下我,
卒之恼恼地走去隔離窗,終於俾我見到她真係喺度禁電話.
嗰剎那,我真係諗:唉新人.
做為一個新人,咁樣做野,當然她個直屬上司.
即係我之前提嗰覆核,理都唔理,梗係他要收買人心嗎.
再者她成日扮到好識咁,教人野,有時叫人做野,語氣好似命令人咁,
做野時,又不能二用,
同一個客,叫她做野時,做一樣野,同時講埋另一樣野,她就不耐煩啦,
望人嘅眼光又唔知咩意思,怪怪的,
嗰日,她,阿sa,阿逸去唱k,想約埋我同俊,
我諗佢地都係想約俊,又唔好意思唔約我,所以先約埋我.
原本sa同阿逸約都仲可以考慮下,但我想同她都唔熟,玩都唔儘興,
所以拒絕左.當然俊都無去.
第日,我感覺她望住我嘅眼光唔知想點咁,我心諗:做咩呀?唔去唱歌嗜,有咩問題,
我又無話俊唔可以去.
今日同紅講起,她都話她啲眼光真係好怪.(唔只對我)

依家,我好少叫她幫手做野,除非其他同事唔得閑.費時聽人啲冷言冷語.
既然大家唔啱key,就算啦,不過做為一個新人,她真係幾寸.

 做嘢好悶

返工好悶

同事好悶

聽日老闆放完假返工,仲悶

 很多不滿,很多憤怒,很多怨氣.

話說昨天有個客打來問,點解她7月份行使積分換股票佣金100元,還未存入她戶口,
按道理,7月份行使嘅應該7月份已存入戶口先啱,點解未入呢?
於是開始幫她搵,但唔記得她是否真嘅簽左文件,又要搵番個記錄.
但她講到有紊有路,應該係真嘅.而且問機亦顯示有,
跟住我又唔知嗰100元係分行自己出數,定由總行出,
所以問副主管,得到答案係總行出數,
咁究竟點解呢?
文件送走著,唯有搵報表,但梗係搵唔到,
唔忿氣,打電話問其他支行同事,話係分行自己出數,
唉,副主管.
終於嗰日搵唔到任何答案.

今日唔忿氣,一定要搵到,於是將啲報表再仔細慢慢睇多次,終於被我搵到,
個客真係有行使到,即係分行漏左出數,
(報表顯示係我落機嘅,但客戶說明唔係我幫她填表嘅,第一手唔係我,所以我一哋印象都沒)
我將搵到嘅資料交俾覆核,只想他出番數俾個客,因我唔可以做出數呢一個程序,
但呢個人一見到係我落機,即時要將所有責任推俾我.
仲叫俊向我表示,要我打內線俾他,
你睇呢個人幾大牌,自己唔打得嘅.
第一句:你張傳票交俾邊個覆?
我:唔記得.(記得就唔使搵得咁辛苦)
他:嗰日可以出數,點解唔出.
我:唔係要等第日對左報表先咩?(問他行同事先知嘅,同攞左行使指引)
他:可以唔使,出左先都得.
我:咁我傳票俾左你哋覆,點知你哋幾時出數.(知就唔使問人啦)
他:咁即係我哋嘅問題啦,你就完全無責任嘅.
我:我無話係你嘅問題,依家首先搞定單嘢先,唔係追究責任嘅時候.
.......

責任,責任,究竟負咩責任?
我感覺到成個人好嬲,呢個人咩事呀?
唔知頭唔知尾,就要我負責,就將所有嘢推俾我,
做咩?家下個客話要投訴咩?
家下要他陪錢咩?家下要他負責咩?家下話他錯咩?
莫名其妙.
如果我落機就係我錯,咁就真係好笑啦.
佢哋呢啲負責覆傳票,對報表,出數嘅人豈不是死罪.
我知,咁咁換左個新老闆,他怕揹黑鍋,破壞老闆對他嘅印象.
所以急不切待要搵人揹鍋.
啍

但係呢個人太識做戲.太識收買人心啦.
幽默風趣,樂於助人,熟悉業務等等,
可惜一切只係他嘅表面,所有人都被他呃左.
呢個人正一笑面虎,虛偽到死.
有利用價值時,就對你鬼死咁好,
我都曾經上過當.
因為他病左,放棄休假;午餐時幫他買午飯;放假時幫他換嘢....
最後先發現自己好蠢.
不過睇清楚呢個人,都係一件好事.

依家我只知道,我要活得開心,
因為如果唔開心,就會上人地當,
我無咁蠢嘅依家.
大家睇住來.