SORRY呀！我琴日好忙．．所以唔得閑打日記
　　今日我一起身就睇到召喚王係到播緊．．啱啱睇緊第一集
跟住睇重力王．．然之後本來睇蒙面超人既．．但係我就睇左迷你寵物星．
係我係大陸買架，１３隻碟有２６集．．係韓國出既
用普通話佩音．．聽到我想死－．－
　　Ｄ原本有音樂既地方又冇晒喎
搞到我想掟爛佢．．
　　跟住我就做功課啦．．先至諗起我唔記得攞科學作業返來
好彩係１８號先交姐．．如果唔係我就真係死比你睇呀！！！
　　跟住睇晒果本無名字的你．．睇到個後記先知佢係果個
咩流浪的旋轉木偶既續集．．搞到我好想睇佢添．．．
　　　　今晚又有捉鬼天狗幫睇啦．．哈哈哈哈＜－－呢句我打比傻婆睇架．．擺明串你啦！！！
　　

　　今日我終於問到佢攞ＩＣＱ同埋ＭＳＮ啦．．好開心呀

　　然之後又同佢講左Ｄ野．．．．．．．
宜家同佢傾緊計．．．
　　今日冇咩講．．係咁先啦！！！！

　　各位，今日我有一個重大既消息要向大家宣佈．．
唔係我要退休，係我換左個日記板同埋有背景音樂啦∼
　　係阿Ｊａｙ既斷了的弦呀．．好好聽架！！！
今日一返到去就拖左呀妹去校務署問我套可憐既ＰＥ衫既下落既時侯
．．條ｘｘ竟然叫我報失喎．．
　　跟住上到去之後，我就同阿皮（撻皮＝彭智偉）講啦，佢就叫我小息既時候
去音樂室睇，可能Ｄ阿嬸會擺埋一二邊，咁我咪去囉．．點知真係比我搵到喎！！！
　　估唔到原來阿皮都有Ｄ用架喎！！！
　　　　　　　　　　　　　　　　今日打住咁多先啦．．ｂｙｅ∼

　　今日食左半個菠蘿包就覺得好想嘔．．但係就唔知點解！！
　　跟住就返學啦．．行行下又唔知點解會撞到果個咩李應春呀，戴住部ｍｐ３，好型喎∼
上到課室等上肥余堂，點知等左好耐都唔見人喎！一擰轉個頭就見到．．
佢Ｄ肥肉`登下登下’咁跑入黎．．有Ｄ搞笑．．．之後
就係體育堂，好恐怖呀我上到去果舊木果到．．真係好高好恐怖呀．．人地有畏高架嘛
上到去我只係識得ｏ係到震．．．．震到舊木都抗晒議．．猛咁出聲喎
落返黎既時候我對腳已經企唔穩勒．．仲錶晒冷汗呀！！
　　然之後就落去食左碗牛丸米．．點知一上到黎就開始肚痛
想我死咩！！上到去爬竟然見到條死撻皮（彭智偉）同南瓜ｋｉｓｓ呀
跟住條撻皮見到我咁大反應又嘴多啖喎．．激到我係到掟書．．比南瓜見到
佢竟然以為我鐘意條撻皮呀
　　到左上肥佬堂既時候，一入到去就聽到佢係到鬧人．．．上完之後
我竟然唔記得左袋ＰＥ衫呀．．．返到屋企先記得佢．．．點算
萬一佢聽日上台問係邊個既咁咪好咩囉．．．

　　　　　　　　　　　　　　　點算呀．．．．．．．．．．．．．．．．．．．．．．．．．．．
　　

　　今日全部人都要返工返學．．．．．得返我一個係屋企－．－真係沉悶呀
不過呢，有部腦陪我就唔同勒．．點解？因為咁就會唔沉悶囉！！！！呵呵．．．．．．．．．．．．
　　琴日我阿哥返到屋企就同我講，話佢有可能上到電視喎．．．我就諗住６：３０睇新聞啦
點知唔記得左喎！！！真係失望呀．．諗住‘可以睇下佢個衰樣加嘛’
但係都係睇唔到．．．．．．．．
　　跟住佢話琴日斎見到容祖兒，見唔到ｗ－ｉｎｄｓ或者其他歌星．．
又話有一個同學好適合做狗仔隊喎．．返到去話你知！！！！