今朝晨早就俾媽咪整醒左~
因為今日約左舅父一齊去join亞姨佢地拜公公~
唉~~佢明知我"尋晚"幾早訓架喇~
半訓醒既狀態下,用左十五分鐘就可以起行~
點知出門口前,媽咪又扮哂野咁話爸爸唔陪埋我地一齊去~
到最後都係我,媽咪and 細佬三個去~

去到hung hom舅父都未到~
最抵死既係佢地連約會合既地方都可以錯~
唉~~又waste左d energy喇~

搭火車真係好耐呀~
唔知係唔係搭慣左mtr,感覺上覺得火車真係好慢呀~~
好彩既係,唔係好多返大陸既人拖住一車二車咁咋~
去左粉嶺,肥舅父揸車黎接我地~
如果要等巴士or van仔既話都唔知要等到幾時~
估唔到好多人都同我地一樣,唔係正日拜山~

之前我都有曾經擔心過亞姨講既野而影響到我去唔去拜公公~
因為亞姨講過要行差唔多成千級樓梯~
今日行過都唔係佢講既咁~
仲少過我之前行山果條樓梯~
好彩今日天氣唔係咁熱咋,如果唔係就真係慘lu~

自從公公過身我都冇去拜過佢~
今次係第一次,媽咪話以後我地都黎~
因為都唔係太辛苦,而且仲有d似行山feel tim~
拜完我地仲同開埋餐先走~
走既時候,路經仲行左一行浩園睇下~

媽咪佢地就坐舅父車返屋企~
我同兩個亞姨and舅父坐另一個舅父車去火車站~
兩個亞姨話去旺角shopping就陪左佢地~
真係買左唔少野~
又係搭車就訓左,訓到落車~
返到婆婆屋企食左我喜愛既生菜魚肉(走生菜)~
之後又訓到返屋企先起身~
今日真係好tired呀~~