9月30日我們的2個月

今日我地去左打邊爐慶祝我地2個月,哈哈 好開心呀,但個衰人老公就係咁理部電視多過理我,真係激死我,不過算啦,我都唔係第一日識佢,佢真係好鍾意電視架,佢真係可能鍾意部電視多過鍾意我呀,之後我地由9點食到11點,哈哈   老公比錢  156個大洋  哈哈哈

我地去打邊爐之前仲有做d野既,就係去買倉鼠,我地去左置樂,但條女又好唔想做生意咁wo,之後唸住去第二間啦,點知間野冇做wo,之後我就冇曬心情,其實個陣好想哭架,唔係買唔到想哭,而係d信息冇曬,冇曬同老公同埋全部人既信息,其實d信息好重要架,因為係d信息到有好多重要既回憶,我有咩事都會拎黎回憶下,唔係話放唔低之前既野,而係喱d只係我既特性,同老公第一次sd既信息到一齊既信息我都好好keep住,一下子冇曬,我真係接受唔到,但可能我要接受現實啦,有d野冇左就係冇左,人大左要識唸架啦!算啦,唔唸啦,講番我地個仔女啦,我同老公就一齊拎左番屋企,個傻老驚我辛苦,就話要搭的士,咁就曬左30蚊,番到屋但就緊係第一時間整我個仔女d野啦,整到我同老公都唔想整,真係勁煩,不過為左佢地都值得既,不過係買佢地個陣,我見到一隻好可愛既兔仔,我問番老公先知完來佢想買比我架,其實我真係好想要架,因為我冇左之前個隻,一直都好唔開心,如果可以比我有番佢就好啦!整完佢地d野,之後就出去食野嚕,之後我地都覺自番屋企,今日都唔錯,好開心

2個月快樂

我愛你呀