這一個星期都過得不好...
整個人好攰,每朝一起床好似無瞓過咁...
所以精神狀態極其差...
help...

擒日劉夫子帶我地一眾學生去"見識",
怎樣採訪聖火傳遞...
豈料...他自己也沒有特別申請專用記者pass,
更不用說指意佢會入到場內採訪...
於是我同同學仔唯有右"捐"右"捐",周圍走睇下有咩嘢睇,
(聖火一定唔洗指意睇到,因為真係....太多人了)
當奧運聖火隔著我眼前的人海經過了,
我見著d攝影大佬即刻拔足狂奔,
我同同學仔梗係跟住佢,睇下點走位啦,
那一刻,拿住部相機,跑呀跑跑呀跑,
心情真的無語倫比,
為住鍾意既嘢跑,感覺好興奮,由半島追到清真寺都唔覺得攰...
(我唔係鍾意奧運聖火喎!我係鍾意影相而已!)
所以有夢想真好,
雖然不知道實現的可能性,
但為夢想奔跑的過程,是可以很快樂的,樂得飛上天了...

跑到最後都係咩都影唔到...>v<"

跟住,就是跟著一班示威人士了,
第一次咁埋身,
好混亂,好刺激,
robert capa說過一句話:
"如果你的相影得唔夠好,係因為你唔夠近"
所以擒日真的好好玩...
跟到佢地去到九龍公園,
接著又採訪一個從內地來自發性舉旗叫口號的男子,
與他一直聊到星光大道,
談及了很多內地熱血青年對西方傳媒,對奧運,對別國杯葛奧運的看法...

一次好好的體驗,
跑到成身汗,成身臭,成身都攰了...
但...都幾享受

埋身肉搏~~~大隻又型既警察大佬並無想像中rude,相反,very nice!!!另一張企咗上地盤磗位影!!!

一邊廂在大叫人權口號,諷刺的是.另一邊廂正有一個運貨伯伯被剝削了過路的權利...