今日嘅心情同今日嘅天氣一樣....

e幾日，聽到張生之佢話想轉班...所以好唔開心。

總於...係最後個一、兩班到喊左出黎...(得小倫子知)

個時，我真係好想問佢

「咩你真係好想去C班咩~C班到有咩野令你想去C班呀」

我不斷諗....既然佢知道自己下學期可能會轉班，

點解佢仲要同我講返野呀~~我剛剛升上中三時，知道佢同我一班，

雖然個時好唔想..好唔鍾意...但係...某一日嘅基科堂，

佢無啦啦走黎我到...問我識唔識做...仲教我點做...

係嗰個時候...我又再次鍾意返佢....

我明知我同佢一定無可能...

但係..我仲去鍾意佢....

本來....我仲尾喊...還可以忍到....但係，

一見到佢上堂不斷聽書....間中仲聽到佢話要轉去C班

我真係再忍唔到....再控制唔到自己嘅眼淚....

今日，我同呀慈佢地一樣去m記到吹水…

但係呀珊就遲d去喎~~(唔知點解~~)

尉尉就講返佢去camp  d野~~好好笑~~!!!

之後珊就到左啦，佢問我地做左社會科工作紙未!!

但係我地當然未做啦~~(哈哈)

之後我地就幫呀珊諗下做.....

條問題係「真愛係唔係需要等待？」

呀慈就話﹕「真爰當然唔可以等待.....因為好浪費時候呀~~」

尉尉話﹕「係囉~~!!好浪費呀~!!」

但係....我反而覺得等待都唔錯呀!!比人有期望、希望.....

所以...我覺得等待唔一定係浪費時間!!!

不過，我都有想過我等待佢....係咪真係直得........

係咪.....直得.......