今日星期日，7點鐘就要起左身，食埋奶奶煲既愛心粥，7點半就到左蓮峰球場。其實八點半先開始，我去到同幾個同學仔一起係度行圈.差唔多8點既時候，D考官就陸續入場，開始擺陣容.跟住就檢錄了，我編號係（89），估唔到報理工日夜加埋都有300幾人，日更多D。我一D壓力都冇，純粹去check下自己既實力.

8點8左右，開始考第一項了，sit up （超耐冇練過了），而且姖地要求比較嚴格，我只係做左50下。不過都正常，一早起身d肌肉都未熱.

之后第二項，100米，著住釘鞋，有d唔慣添，我戈組一起跑既人都唔勁得去邊，我起跑比較好，食準個beat，哈哈。我係小組第一，不過覺得自己未沖曬，成績12秒86.

第三項，立定跳遠，我小學跳過一次，都有好長既歷史了，見到個個都2米20∼2米30左右，我就惗左一個方法，望住2米38個位跳（2米38滿分），結果我一跳2.61，出乎意料。

最艱苦既一項，12分跑，唔知老天爺係咪被我感動左，開始落細雨，我被安排係第二組跑，第一組一組已經有56個人跑，場面相當壯觀。第一組跑完，老天爺再次被我感動到，雨月落越大，我頂住，勻速跑，我屬于中游部隊，一直都最后四分鐘，我先開始加速小小，一連拋左十幾個人。最后成績2600米。成身濕曬..

今日既理工體能試真係刺激，最刺激就係12分跑，我望住"海狗"姖地一路笑一路跑.不知幾開心

好才冇淋病.