就黎生日啦!!18歲啦!但係我並唔期待18歲

18歲姐係...我大個啦,係一個成年人,唔可以逃避責任

我既生日願望,其中一個係,家人開開心心,相處融洽,同埋我盼望神既恩典都可以到佢地既身上。

面對屋企既問題,我唔識面對,唔知應該做d咩

我家人都很疼我,但諷刺既係佢地每一個之間都有好大磨擦

媽咪同哥哥既關係係睡火山狀態,媽咪應該唔會有太激烈反應

媽咪同爸爸既係活火山,隨時爆發

哥哥同爸爸既係已爆發火山,關係能夠修補既機會率近乎0

作為平民既我,都唔知點算........

凡事都有兩面,做中間人,仲要做咁多中間人,的確有佢既好處既....

個個都疼我,亦係最得寵既一個...

但係...咁唔見得係一件好事......

當有事發生...我責無旁貸...

因為我同每一個關係都好好...所以有事既時候一定牽涉到我

我成日都諗...如果我既性格唔係咁,我會點樣面對呢一切呢?

我既屋企到時又係點樣呢?我家人既關係會點呢?

成日都覺得我既任務就係要黎呢個家庭作為大家既關係潤滑劑,讓到大家有衝撞,磨擦時...憤怒能得以舒緩,

加油啦!

我的心願:一家和和氣氣