好多人返教會之後...
都比人感覺到...佢變好左...
但係...點解我唔同...??
最近脾氣愈黎愈差...
自從個次話唔搵工之後...
開始變得好差...
返教會根本唔係為左錢...
我事奉都唔係為左錢...
爸竟然問我咁有冇錢嫁先?
我話冇...爸話...咁咪係囉...咩語氣喎...
愈來愈唔想留係家...
同佢地既關係都轉差左...
自從爸爸返黎之後...再加上我話唔搵工..媽咪幾乎都係同爸爸講野...
因為佢地係用家鄉話傾計...有d我會聽唔明...
咁我係咩呀...
爸爸就成日都好計較...唔係同我計較...
而係同其他人計較...
個次甘霖之家(教會內我所屬既家)成班人去大坳門...我幫手整野食...就話我笨...點會幫人整嫁...
不過佢以為只係得我整...所以咁講...當佢知道其他人整其他野食...就冇野...
但係我唔鍾意既係...總會有人付出多d...有人付出少d...如果真係得我一個整又點喎...
總要有人整嫁嘛...今次係我...下次咪第二個囉...
點解要咁計較喎...
今日好開心咁同佢講話我買左家衣...講講下...講到做家員要事奉...就問有冇錢...
我話唔係講錢嫁嘛...
就話咁你係咪要錢搭車係教會呀...點會唔係講錢呀...
根本兩件事都唔同...點可以拉埋一齊講嫁?
愈講就愈"炆"...
不過...我因為星期日要返教會...所以我成日都冇得陪爸爸...佢只係得星期日唔洗返工咋...
為左呢件事...我都好內疚...
我都好想知我應該點做...但係咁耐我都未知...真係同想同爸爸講聲對唔住...
至於哥哥...同佢女朋友...(未來嫂嫂)
佢地都少同我傾計嫁啦...
佢地成日都係房入面...冇咩野都唔會係廳...
不過...每次我講完一大輪...覺得諗到自己好差...
其實佢地對我已經好好...最少佢地唔打我...唔係唔關心我....
我點可以咁樣諗...
我知道每個家庭相處方式唔同...
我真係好討厭咁不知足...不知福既我...
最近唔單止脾氣差左...前排仲覺得自己粗魯左....
不過宜家好左好多...^o^...
呢一個星期...每日都出去...
覺得...好慚愧...我覺得我應該點都最少有一日係屋企...
我唔應該成日出街...我要快d改善下先得~!
----------------------------------------------------------------------------------------------------------------------------------------
前幾日....訓教之前....(最近訓教之前都會係度諗野...^o^)
突然諗返起...
有人問過...如果有一個你鍾意既人...但佢唔鍾意你...又有一個鍾意你既人...但你唔鍾意佢...
你會選邊個??
唔知你地睇到呢句...會有咩決定呢?
我會兩個都唔揀...
第一...無論點樣...我一定唔係揀我唔鍾意個個...因為...我鍾意既唔係佢...
如果我咁都選擇佢...對佢好唔公平呀...我同佢既付出唔同呀...
佢對我付出...係因為愛...不過我對佢既付出.係因為責任...出於同情
因為佢對我付出好多...所以我覺得我應該付出...
根本我可以比佢既只係關心...我會覺得...呢種只係感情...甚至係友情...絕唔係愛情...
如果話...咁可以培養嫁嘛~~~咁等到我真係鍾意佢先...我先揀佢囉......
至於...我鍾意個個...我唔知咁樣係咪叫唔揀佢...
我會繼續鍾意佢...
我唔會同佢講...如果佢已經知既...我會比佢覺得我已經唔鍾意佢囉...
不過我好難做到嫁...因為我會避開佢...仲要...係避得幾明顯...
總之...佢係度我就會繞道而行去我既目的地...哈~
我唔想佢因為我鍾意佢呢件事而覺得尷尬或者會覺得煩囉...
佢根本無需要負上呢d麻煩...
我只係希望佢唔好見到我...而我見到佢...
如果可以...我好想可以隨時變成隱形人...可以係佢身邊...可以係佢唔知既情況下幫到佢...
我唔需要佢知呢一切...我只需要...知道佢生活得好...咁就得啦...
今日講左好多好多...哈哈...
| 
