今日勁黑囉......

   體育堂的時候,我要考跑步.咁就要搵人數啦,我以為好似上次搵人,點知今次係跟學數喎......都唔知係個天玩我,定係方生玩野.本來吳家偉同梁耀丰數,個老汶遜就係度多事,係度大叫:唔係27係個邊咩?跟住我話:唔係!!但個死人方生就話:呀唔係呀,應該係27個邊呀.......令到同我數的係我恨之入骨的吳家偉><老汶遜,你之前叫我唔好憎恨吳家偉,宜家係你令我憎恨佢架,唔係我自己憎恨佢!

   跟住,由於係佢同我數,所以我個時都唔知自己跑左幾多個圈.到左我知之後(唔係我去問,係胡樂堯同我講),我前面的何天為係度話係5.20個圈呀.......令我不禁嬲起來 咁我咪kick 佢張椅子囉...但係佢仲話:你跑左13.14個圈呀,咁我咪又kick him lor!!

  黎安蘅同我講,話禤山河會係福音營同佢講佢真係喜歡邊個喎......

   今日要6:30起身返學,D老師都變態架!洗唔洗咁早呀!?

   不過,我地係循中新校舍個邊,一度聽書一度同黎安蘅寫野係table或d TSA卷到!英文堂勁boring lor,直情想睡覺~好彩數學堂無咁boring,如果唔係,我晨早睡左覺啦!!

   跟住,放完學之後,就去學數.之後學完跳舞,就做功課啦!我咁勤力做咩,咪就係為左去看達文西密碼囉!

  食完飯之後,再洗埋頭就去apm行一陣,之後我地就去看lu..........看完之後,就發現已經11:30啦..............

   今日本來無野好寫,但係..............

   放學的時候,黎安蘅話知道禤山河喜歡誰,我更係問佢邊個啦!她話未知,要估.她話那個女仔的名字筆劃係15,6,20~跟住.我第一個試的就係黎安蘅啦!我數一數就發現黎字真係15,然後我繼續數啦.......數完黎安蘅個名之後...就發現d數字同她的名字完全相同,於是我好開心咁同佢講,係你啊,係你啊!!!跟住,佢好大力整左我一下~

   返到屋企,她打黎話想調位.跟住我話洗唔洗咁大件事呀!?她話禤山河坐係佢在旁邊,會好尷尬喎.......

   點知,當禤山河on的時候,佢係個名後面竟然寫'都知你地信唔過,好彩無講真!'那時看到我就即刻打俾黎安蘅啦!!我同佢講完之後,佢就鬆一口氣............

   原來最後發現只係虛驚一場............