| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2007 年 6 月 6 日 星期三  |
鍾意的定義是什麼？愛的定義又是什麼？  |
分類: 日常生活 |
Ｑ１：鍾意的定義是什麼？
Ａ：「鍾意」一詞，鍾即鍾愛，意即合意。
鍾意一個人，其實即係對一個人有好感，可能佢某Ｄ性格特質令你好仰慕，傾慕佢，好想知道佢既野，好想同佢相處，呢一Ｄ就叫做鍾意。例如，當有個人對你好好，佢可能打籃球好叻，可能好有風度，辦事效率高，亦可能識關心人，體諒人，所以你鍾意佢。但係，鍾意即係點呢？
就以上咁多種可能，你鍾意佢既原因其實係欣賞佢咁多種好處，好仰慕佢，好想了解佢多Ｄ，對佢好有好感，呢一種關係大概介乎朋友與愛人之間。但「鍾意」同「愛」其實點分呢？
Ｑ２：愛的定義又是什麼？
Ａ：「愛」跟「鍾意」的意思似乎相同，但其觀念差別卻是很大很大的。
愛，是一生的承諾，是一個交託的觀念。就以上例子，即使佢真係擁有咁多方面你認為好難得既好處，你欣賞佢既行為，仰慕佢既才能，感激佢對你既關心，但如果叫你日後嫁／娶佢，俾佢照顧同依靠你一生一世，你要日日對住佢，你要對佢付出同犧牲，你又願唔願意呢？
「愛」其實最講求既係感覺同你對佢既信心。有Ｄ人對「鍾意」同「愛」既感覺分得好清。舉個例子，有個人同你玩得好埋，由細玩到大，天南地北無所不談，兩者都好「鍾意」同對方玩ＧＡＭＥ，傾閒計。傾得埋還傾得埋，但「愛」就係另一個層次，因為「愛」係絕對天長地久的，要始終如一，你再唔係同佢玩，同佢傾計，同佢行街食野，而係付出心力時間，付出愛同負責，守候同照顧對方一生不分離。你同鍾意既人可能好ＦＤ，但係你地可能對住對方一日２４小時都覺得悶，但你想像一下，愛係要對一世的，你冇得話到時唔鍾意就唔要。
所以「鍾意」同「愛」既分別就在於交託、付出、感覺、信心四者，你有信心對方照顧到你，有勇氣將自己交託俾佢，願意付出所有，有彼此心連心的感覺，那就是「愛」了。
因此，「鍾意」係好廣泛既，你對果樣野／人有好感就係鍾意。「愛」係對一生既承諾，唔好亂用，亦唔好亂講「我愛你」三字。正因「愛」字有咁深入同偉大既意思，所以女士先會視「愛」字為最珍貴的寶物。
希望我既見解能夠幫助你思考何謂「愛」，何謂「鍾意」∼
|
« | 1208 | 1209 | 1210 | 1211 | 1212 | 1213 | 1214 | 1215 | 1216 | 1217 | ... | 1392 | » |
