| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2009 年 2 月 9 日 星期一  |
| 某類朋友 |
分類: 友情 |
有d 朋友，適合食飯。
同佢出去，佢總會搵到有好o野食嘅地方，甚至佢仲識親自煮餐好飯你食。
呢一類，係食飯朋友。
有d 朋友，適合飲嘢。
佢唔單止帶到你去一d 正嘅飲嘢場所，仲要本身飲得玩得傾得。
呢一類，係飲嘢朋友。
有d 朋友，適合睇戲。
入場前，佢會同你講解套戲嘅導演編劇演員之前拍過咩好戲會用點樣嘅拍攝手法；完場後，佢又唔會即刻大發議論、影響你 對套戲嘅感覺。
呢一類，係睇戲朋友。
有d 朋友，適合傾電話。
就算你自己無野想講都好，佢都可以令你不知不覺煲左幾個鐘頭粥，只因為你地真係o岩傾。
呢一類，係電話朋友。
有d 朋友，適合去玩。
去玩以外嘅時間，你地唔會點聯絡，電話都唔講多個；但只要你地一齊玩，感情就會以幾何級數暴升，比起一d 經常見嘅朋友仲要好感情，你地會成晚出雙入對......
呢一類，係去玩朋友。
好似有d 廢話向了......
其實以上面嘅例子再推論開去嘅話，我地身邊原來係有好多唔同種類嘅朋友，就好似：買平野 朋友、返工朋友、唱Ｋ朋友、麻雀朋友、睇波朋友、行街朋友、牙籤朋友、八卦朋友、吹水朋友、賭錢朋友、好色朋友、打交朋友、打波朋友、督波朋友、應酬朋 友、生意朋友、大話朋友、大力朋友、戶外朋友、房內朋 友、網上朋友、網下朋友、沉默朋友、心事朋友、曖昧朋友、男女朋友、豬狗朋友......
係、係、係，我知我而家直情係有d 惡搞向，以下我會認真d，一定會認真d。
有d 朋友，適合見面。
或者咁講，其實唔係適合見面，而係唔見唔得；因為你同佢，已經好耐無相見，如果再唔見面嘅 話，就可能永遠唔會再見得到。
呢一類，係舊朋友。
有些朋友，適合不見面。
其實你是很想見他的，或者他也想見你，只是你們都覺得，既然一直沒有見，見了反而或會不好，見了會破壞他在你心目中的印象與感 覺。
這一類，是回憶中的朋友。
有些朋友，不適合做朋友。
你其實是明知道的，他並不符合自己的擇友條件，他有些缺點很壞，有些地方你有時容忍不了，他真的不適合做自己、甚至成為任何人的朋友；但是不知為何，最起初你就是交上了 他這個朋友、更讓他成為了你的好朋友以至知己。不過，容忍有時，任性有時，某天或者他的某個缺點太讓你討厭，那天或許你再容忍不了他的任性，這天可能你突 然好想任性的不再容忍他；你將對他的一點生氣或怨懟放大，由小題成大做，由裂痕化鴻溝，然後，讓自己可以從此遠離他，然後，讓他不再成為自己的朋 友。
然後，你很容易的達成了目的。
只是這夜，你翻開舊相簿、舊日記、或是舊網誌時，你看到他過去曾在你的生命中留過的一點，某一天你曾以「好友」這身份，來稱呼此刻仍在你心中的這一個人；你或者會暗暗輕嘆，會微微搖頭，合上簿子關上螢幕，默想幾秒，始終覺得他真的不適合做自己的朋友，始終希望他真的能夠成為自己的朋友......
而這一類，是......
抱歉，我已經不懂得再為這一類分類了。
你又會懂嗎?
若懂，請你告訴我。
|
 « | 591 | 592 | 593 | 594 | 595 | 596 | 597 | 598 | 599 | 600 | ... | 1392 | » |
