今日要補習，
我補開11點，
補完習之後上左去搵表弟(簡稱超)
入到去就聽到超係到哭，
經過我既審問，
原來佢阿哥會考唔合格，
得11分，要去美國讀書，
所以佢哭- -
平時成日見佢地反面，
今日竟然會為佢而哭，
真係珍奇到O嘴(1)xD
佢哭哭下佢呀媽又哭埋一份- -
真係珍奇到O嘴(2)
番到嚟屋企，
上高達既網，
出左隻靚野，
但係我間房已經冇位罷，
真係珍奇到O嘴(3)。
宜家天氣熱，
令人好想飲杯野，
竟然冇野飲，
連冰同凍水都冇，
真係珍奇到O嘴(4)- -
2點幾去左游水，
計時，
速度竟然又快左5秒幾，
真係珍奇到O嘴(5)- -
宜家四點幾，
唔排除等陣仲有好多珍奇既香港景點等住我o架;)
真係珍奇到O嘴。
９月６號係游泳比賽嗰日，
本來今晚我可以打我最鍾意既邊爐，
不過時間同我游水既時間一模一樣，
我又唔想浪費練水既時間，
又唔想浪費好耐先有得打既邊爐，
最後我竟然傻到用一蚊嚟決定，
字就去游，弓就唔去游。
慘在係字，冇得打邊爐Ｔ＿Ｔ
希望佢地食少Ｄ，
等我聽日再打過ＸＤ
今日好悶，
開番好耐冇開既跑ｏｎｌｉｎｅ
除左朋友借我玩之外，
差唔多２年冇開
改變左好多
無啦啦由橙拖變左做淺藍拖呢樣好奇怪。
唔通我比人爆ａｃ？
不過裏邊仲有６萬幾ＴＲ
正常人都會搶。
算啦，呢Ｄ無謂野我唔理喇。
之前個朋友比我玩既真飛天拼圖，
上次玩玩左１個鐘都未玩完。
宣家２０分鐘就得左。
好似低能左好多，
正常冇人會係地吓錄，
又冇人會倒後跑。
唉．．．總之跑宜家已經變晒。
今日d功課見到已經唔想做...
不過做唔做都係要交
幾頭痛都有做埋佢。
之後同呀媽出街，
發現電話開唔到，原來電話壞左，
真糟糕。
不過都唔係唔好既(對我嚟講)
呀媽同左我去買電話^^
呀媽本身話等我升中一先買多部，
宜家早左一年。
反到屋企已經四點幾，
去左游水，
游到五點幾，
差唔到一個鐘。
番到黎先至打日記。
平時係屋企好悶，
如果可以番學就好。
好期待開學嗰日呀！！
今日真係好悶...
不過有得游水已經好好。
比左10蚊入去游...
游左大約45分鐘，
就開始雷暴，
我心唸：
游水先嚟雷暴，唔通連個天，都唔鍾意我？
唸多無謂，
行動最實際。
即刻走入去沖涼，
Ｄ人沖２０分鐘我地等足２０分鐘。
之後上左堂細佬屋企探ＢＢ（１歲）
ＢＢ得１歲就已經好貪心，
自己攞住橙都仲要搶我個舊。
探完ＢＢ去左Ｍ記食野，
換個杯，
番屋企。
今日係悶悶既一日，由於真係好悶，所以朝早8:00就開始做功課，做到10:00。
下午就更加悶，所以先上黎打野。
既然冇咩打，就先介紹下自己先。
名字:唔方便講XD
歲數:10歲
就讀學校:寶血會思源學校
班別:6B
成績:一般
居住地點:荃灣某某地方XD
喜愛運動:游泳,足球
喜愛藝術:無
家庭成員:我,媽.爸,姐
喜愛動漫:keroro軍曹,火影忍者,高達
最鍾意玩既玩具:高達模型
玩唔玩msn: 玩
就咁多算...唔想打得咁詳細xD。
