尋日都過左幾開心既時光,而且我都收左唔少朋友既message好多謝仲有朋友會記得我既日子...我收到你地既message真係好開心(真架!)不過令我印象深刻既---係我自認既幼稚園同學--->家麟!!好多謝他的心意呀!他整左生日圖片送俾我!!我同他無聯絡好耐啦~我估唔到他仲記得我,而且我同他只係相處左一年既同學...總之thx!

今日我返到公司,有好多同事都怪我唔同佢地講我尋日生日...不過我無啦啦係同事面前講自己生日的確有d怪呀!!之後係放工後,我d同事同我搞個小型的生日派對,至於阿恆就去左買生日蛋糕俾我,我的確有d感動,因為他秘密咁進行,完全唔同我講聲!其實我d同事知我生日,都係因為他講先知-.-搞到我好強調自己生日....放左工,我要同屋企人過去探公公同婆婆,依架公公行動唔方便,不過他身體無事就得!之後我又要趕去同kristy赴約,阿Ling都送左份護膚既野俾我,Fanny都有禮物送俾我!而Kristy就送左TOUGH既銀包,她仲附送一張吳尊既相..哈哈~~她真係知我心意呀!

今晚我已經睇左[史力加3],真係幾搞笑...哈哈...唔錯呀!遲D又要睇[哈利波特 -鳳凰會的密令]!!

我估唔到我今晚又會撞到王永誠呀!!!之後我地一齊搭西鐵..我問左好多他工作上既野...

今年既生日過得唔錯呀!!!