我好耐無打日記啦...睇黎依架少左朋友黎睇我既日記呢...

都係我lazy既後果呀!其實我都想日日打日記,不過我始終俾

一個[懶]字,而放棄呀!!不過當我有空閒就會打日記...等

我寫番哩段日子所發生既事

10/2(六)-----公司團年飯

原本哩日我唔哂返工,但因為食團年飯而需要返去呀=.=我本身唔諗住去架!因為又要
我刻意出去荔枝角一趟,嫌麻煩..但"佢"話我咁做有D唔俾面我部門既佬細,"佢"咁講
都岩既~~所以我最終去啦("佢"好少咁正經同我講野呀!)況且我係新人應該去學下適
應哩種場合!我同"佢"大概接近8點先入席,我地入到[鴻星酒樓],已有唔少同事都到左,
不過佢地都好專心打麻雀呢~~我同佢都抽到獎金,我地倆個都好開心.不過"佢"
抽到成三次,而我就一次呢!!"佢"又會咁有運架!!(>0<)不過
"佢"都識做,(嘻嘻^0^)..哈哈..果晚d同事都好悉心打扮,而我依然普普通通咁打扮,
不過果晚佬細包左封利是俾我..哈哈..而"佢"既部門佬細
都有派利是...食完晚飯,我地走既時都接近12點,所以我要趕住搭BUS返屋企,"佢"就
好啦!佢住九龍區,而我就屯門區,所以快過我返屋企呢~=.=
 
   豐收的一天---->錢錢錢錢錢....哈哈哈

17/2(日)-----元朗年宵夜

我由尋日開始放假啦..^0^終於可以訓得飽d..哈哈...今晚我同kristy約好行年宵呢~~
不過我要等她放工,先可以進行呀!!回晚上10點後,我就出發啦~~我同Kristy到元朗順便
去接Tracy放工,不過她要兩點先可以放工(#-_-"~~她既老板娘真係好可惡呀!!今年既行
元朗年宵同上年無咩分別,不過今年Kristy既妹妹有份擺攤檔,我地當然有份捧埸呀!!晚上,
收到朋友既message~我都祝你地"新年快樂!"
p.s哩日"佢"同屋企人去旅行,希望"佢"地一家人玩得開心d...記得買手信呀!!

18/2(年初一)-----拜年

今日我地一家人出去市中心拜年呀!!咁岩契弟打黎俾我,契弟,小輝同小霖都係市中心,佢
地原來為左睇戲...之後佢地話過黎酒樓搵我,我以為佢地講下,點知佢地真係黎搵我...嘩!
小霖真係thin左好多呀!睇黎佢真係好有恆心去減肥呢..我都好佩服佢呀,如果我都好似
佢咁有恆心就好啦...可惜我始終無咁大恆心呀!!之後我同佢地聊左一陣,我就返入去酒樓,
我諗果三個傻佬應該都係市中心周圍在逛..哈哈..

19/2(年初二)----屋企
 
我係屋企好努力追台劇[花樣少年少女],真係好好睇呀!!

20/2(年初三)----車公廟

依架年年既年初三,我地一家人都會去車公廟一趟!(今年多左一位成員--家姐既bf)其實要
我去拜下無問題,不過真係好怕d香會整到我呀!真係好多人去車公廟拜呀!多人到要出動警
察黎維持秩序...(#-_-"~~我既屋企人年年必買既可以[轉運風車]...之後到婆婆既家食晚
飯呀!

21/2(年初四)----晚上同Kristy,Tracy,Fanny,小倩食晚飯

22/2(年初五)----到大佬細屋企拜年
 
今日同事約左我下午2點到旺角[聯合廣場]等,原本佢地約我係2點架,但點知佢地改左時間(改
為3點),而咁岩我又出左門..嗚嗚嗚~.~佢地又會咁遲通知我既..Eric以為我知道時間,依架
佢地講咩都無用,我只好自己一個人周圍逛...逛逛下,我只好搵契弟求救!好彩有契弟陪我咋,
如果我唔係我一定好悶!不愧係一位好契弟呀!!我終於等到同事黎,嘉麗同Eric都到左,Eric好
識趣派利是俾我同嘉麗..嘻嘻..依架淨係等大家姐---Jan...人齊後,我地正式出發---->大佬
細同細佬細屋企!!原來佬細住九龍塘架!佢地屋企真係幾大架,而且有成四個工人添@0@(太誇張
啦!)之後,我同Eric坐多陣就走,而嘉麗同Jan就留係佬細屋企食飯...今日所收既利是都唔錯既
數目...^0^遲d返工又有開工利是...正呀!

23/2(年初六)----黃大仙

到黃大仙拜神...同埋表弟一齊!!!黃大仙仲多過車公廟(人流)

24/2(年初七)----AIA香港環球嘉年華~~很棒!

我同Kristy大概11點幾出發,大概1點幾先到添馬艦,因為我地要搵路呀!!哈哈!我同Kristy玩左
[老鼠也X狂],[急流漂進],[電動碰碰車],[X天椅],[海盜船],之後我同kristy玩其他攤位！！

P.S年初九就要開工,放左咁長既假真係有d唔捨得呀!