我終於睇左<1408>感覺麻麻,唔係我所想像中咁好睇-.-真係有d失望呀!不過黎緊,我就好期待<生化危機：絕種生還者>,10月4號上映,我諗應該唔錯下,哩d先岩我既口味去睇..哈哈..不過我估唔到契弟都鍾意睇呀!!

哩個星期都有以前同學搵我,平時就無咩同學搵我,依架一搵我就有幾個同學...有機會就得閒出黎食下飯呀!^0^

我依架都好期待一部台劇<惡作劇之吻2>,不過台灣果邊仲未播呀!香港更加無咁快可以睇到啦~~-.-不過香港劇,我都有一部好期待,只係仲未播啫,因仲拍緊呀!!就係『我的野蠻奶奶』現代版...我覺得應該都會好睇!!我一定會捧胡杏兒場!

我依架同新同事都ok既...不過她既手腳真係有d慢,所以最終無減輕我既工作量,反而我仲要幫她做埋野-.-因為我已經好busy,真係好難再顧咁多野,阿頭都偷偷地同我講都覺得哩位同事做野都好慢,而且仲話她有好多都唔記得以前所學既野,需要教返她!其實我諗唔明老細會請她架~~因為她仲大過我阿頭,照計她經驗會好過我阿頭,但又唔係..反而阿頭照顧返她,哩一點我真係諗唔明???不過她份人對我無咩野,但我可以從她口中,她真係有d唔鍾意我阿頭..我都明她既,因為我都係過黎人,雖我都係麻麻地鍾意,但有時都會提點下我...我阿頭仲同我講千萬唔好學kinki 同 Andy 佢地咁遲返工同準時放工..因為阿頭話佬細對佢地已亮起紅燈,而我梗係無啦,可能我阿頭嚴啦,所以我返工都會準時,除非我偶爾塞車啦~~而放工我永遠都唔會準時,以前我新人既時候就係,依架就唔係啦~~希望kinki 同Andy要識做啦~~!!

尋晚我放工又會撞到壞蛋....黑仔!