唉~~諗同做永遠都係兩回事來
次次想寫日記,開左出來之後見到一片空白,
然後就會無哂癮唔想郁~"~
遲下搵個語音輸入來可能會d好@@"
9號果日師父無啦啦2點幾pm打電話黎話佢10號放假~
失驚無神叫我同佢去東平洲行下~原因係佢未去過喎
之後講講下又話兩丁人行會悶,叫我負責拉馬,話晏d再打比我
除左『東平洲』呢個地點之外,其他時間行程乜都無~
咁就要我搵人,都幾大整蠱囉~~
不過師命難遺~之前佢放假都唔理左佢咁多次,點都要做番次好徙兒既
幾經辛苦,小女子我都算人緣好~搵到llala同熊哥陪去cc"
本來預計呢次會做壞招牌架(人家攀山涉水架嘛~呢次齋行咁滯啵)
不過都算好彩,師父有帶魚竿魚排~果度又有蟹仔魚仔海刺仔比我地玩~
又不致於淨行睇石玩郊遊咁悶咁無聊~
間中都仲見到一二三四五六條海參(極度嘔心的說!!)
但係好得意囉~果度有兩個"釣魚區",兩個都係水深唔夠1米,水清見底,多石,近岸邊!!
試問有d常識既人都知道,果個叫做"釣魚區"既地方都無可能會釣到魚囉
但係"禁止釣魚"既地方呢~就勁好環境,一睇就知實有肉食
所以師父就決定係"禁止釣魚"既地方度釣~~ (不愧係我師父= =+)
我就係度同llala玩蟹仔and海刺~其間仲可以盡顯本小姐既變態潛能a_____a
熊哥就去左游水(其實我都唔知佢果陣做緊乜~當佢游水先啦)
臨走果陣仲見到海地d居民係度食海膽刺生~
仲係咁追住d細粒仔問佢地『你仲食唔食呀!?』好似唔食就會打佢咁=.="
最後佢地仲一箱箱咁拎d海膽入箱之後上船運走~都幾熟手下架
(傳說.....果度叫做受保護區,魚珊瑚貝殼海產石頭都唔拎得唔食得唔玩得@@")
咁師父見到就緊係不甘示弱咁捉番幾隻走@o@"
全程就大致係咁啦~~無想像中咁悶咁荒蕪,不過好都唔見得啦~
因為如果無左幾隻蟹仔同海刺的話,我實會悶死~
**最估唔到既就係~熊哥居然會肯去,
同埋佢居然係第一個亦係唯一一個濕身落水既人**
唉~我太高估熊哥既運動細胞啦~~佢話佢未行過山－"－
幾日前既事等到今日先肯寫－－可能如果唔係有電話來,我都唔會落手= ="
|
