話說今日...原來係天后誕喔
諗番起以往中二之前,每年既天后誕(三月廿三),
我唔係跟村隊行街舞下龍仔獅仔,
就係落元朗協興去搵我伯娘伯伯~
一邊同科哥、偉業、潔怡三個乜都玩,
(好搞笑架~潔怡同我差6年~但係就勁玩得埋ＸＤ)
一邊食我最愛既大菜糕~
(我第一次食大菜糕就係伯娘親手整既~之後我就愛上左食大菜糕>v<)
而家天后我都有幾年無跟獅隊行嚕~
元朗我都少落~伯娘佢地就更加未見過啦~
今年新年都好似無同佢地拜年喔!!
科哥佢幾年前結左婚~間中都會撞到佢~唔知佢係咪又晒黑左呢cc"
偉業就應該跟伯伯接手間舖(我估.___________.")
潔怡喔........上一年佢好似話入左嶺南~而家唔知佢點嚕~"~
嗚.........好掛住佢地〒^〒
聽我娘話今年既長洲又可以搶包山耶~~~唔知真定假
另外.....另外....另外...仲有咩好寫呢~"~
呀~有啦,呢排無玩果隻game~平均一日訓16粒鐘度啦~
貓貓訓我又訓~嘿嘿~但係到左夜晚又訓唔番－"－
|
