2007年6月8日,  我中學畢業了.

今日朝早, 一起身就已經落緊大雨, 個天黑到似夜晚多個似朝早

今日既天氣就好似代表我既心情咁,

又灰又暗, 將來要行既路完全睇唔清, 朦朧一片....

到左3點幾番到學校準備採排, 一番去就見到人起度足頭髮=0=

到採排果陣悶到抽筋...........

上台落台坐低再上台落台坐低= =

上台唱歌果陣全班走音......下面其他班係咁起度笑= =勁無品

到佢地上台唱果陣個個甩晒bit, 又細聲......個心即刻涼晒~~

到真係要唱比家長聽果陣, 其他班依舊甩bit, 我果班就無問題~^^~

到畢業禮完左, 班friend全部走晒-_-

得我留低....同d老師影多陣相之後我都走....

琴日去完謝師宴, 番到屋企都成12點....上床然後睡了~

到左今日先有精神打.....

就由琴日出門口前開始講起啦~~

距離出門口仲有半個鐘, 我就換好晒衫........

恤衫, 西褲, 西裝褸~~~熱死人既裝束........

首先行路過鳳德村到gel頭, 此時背脊已經濕晒....

再行埋落黃大仙搭地鐵, 個背脊濕到tempo都無用......

搭到去灣仔, 一上去見到成班人企晒起度........

行過酒店果陣覺得好疊馬....一大班西裝柚....十足去開片咁........

到步之後等左半個鐘先開始食.......我坐果𦭵專攻甜品=3=食左一舊cake已經包晒....

個個差唔多食完就開始玩喇~~~首先黎個抽獎~

我就抽到個$550既銀包~我諗應該係全場最貴果樣~^^~

抽完就抽人上台唱歌......但係抽親果d都唔識唱歌既....抽四個人次次都係得一個人solo

最後兩輪果陣竟然抽大我=0=好彩我果輪個個都識唱歌~~

唱完影多陣相就散lu~~

但走過陣我真係唔捨得呢一班同學.........

到底我升上中六好定去讀IVE好~.~

今日又係不幸既一天........

一早落大雨....落到中午到未停....

而我十一點又要去彩虹番學, 番到去褲腳濕晒=~=,

最激氣既係...半個鐘後走得......勁無奈........

番到黃大仙.....又要出番彩虹食飯=-=

不幸地....全部人都唔記得未比錢....個個行到半路要走番轉頭比錢=0=......好"魚".......

到左下午......諗住去青衣果個青年就業展覽睇睇有冇工做.......點知個場面仲墟憾過漫畫節.....

至少800人排緊隊....個場大概只可容納120人左右.........要等幾耐先可以入去睇.......

所以放棄左=__=

由於青衣之旅失敗告終, 所以出左mk行街散心.....

但一出mk, 我又忍唔住要去信和....一去信和...我又買左CD OrL

數數下...而家買有關聲優既野已經過左$1000..........

話多唔多, 但話少又唔算少......點算好.....

咁樣落去....睇怕都要拿拿聲搵份工做住先.....

仲有3日就要考A-maths(附加數學)

見今日係最後一日可以番學溫書, 就番埋佢啦~順手嘆冷氣XD

但係今日番到去竟然肚屙= =屙左3次........

所以都溫唔到d乜....算係簡單咁複習一次啦.....

到左夜晚, 又出左mk行, 首先去左童年夢幫人搵書,

但係同我同行既人就比我引到佢洗錢XD

行到咁上下又有人加入,跟住去左信和~

去到信和, 緊係要行下底層啦~

佢又比我搞到佢心動想買CD, 可惜佢話下次先出.....

而新加入果個都係比我搞到佢想買碟, 可惜佢又係話下次先買....

而我就無買過野~~~

到左接近七點, 終於齊人.....可以去食飯喇....

但佢地又話太早.....搞到我行左3次信和底層= =

食左48蚊野, 跟住行多陣就番左屋企lu~~~

今日超開心呀~~~~

琴日起朋友到托左部腦番屋企用~

同以前果部比起上黎都唔知係咪同一年代......

而家玩咩game都無delay

上網又快左成幾倍.....

開程式都唔駛3秒~~~~~

好正~~~

而家繼續裝番d程式先~~

Horie Yui最新single Days/Say cheese!終於入手喇~~~

但係今日又要番去補課.....

仲要係番去浪費自己3個幾鐘= =

仲諗住根根會同我溫番d有用既野.......

點知全部都係垃圾.............自己溫仲好過佢講.....

直到五點先放學orz

經過十多小時的等待,我衫都唔換就急急腳走左出mk

CD+DVD共$160~~~

但係對DVD果套PV有d失望........

純粹影景同小堀江踩單車~~

不過當中都有d值得睇既地方~~

陽光與海灘, 再加埋小堀江真係正~~~~~~

天呀~~

點解要比我收到風隻碟出左呀~~~

cd+dvd都係$160ja~~~~

等左成個月, 日日朝思暮想, 仲諗住5月2號先出...

點解琴日就出左=0=

雖然諗住聽日即刻去買....但係又要番學補課.....

要下午先出得去買....

直到聽日放學仲有17小時48分....

呢17小時48分鐘係我呢生人覺得最長既時間....

呢段時間快d離去就好喇~~~~~~~

救命呀......而家呢種開心興奮既心情搞到我訓唔到呀.,.,.,.,.,

聽日點補課呀..........

而家仲有17小時46分就放學喇~~~

琴晚近12點先訓, 今朝就要7點起身準備8點去拜山

搭火車去到粉嶺, 9點先齊人....

先要經過一條滿地黃金既山路, 再爬過十幾個山墳, 到左~

到左之後就企係到開始餵蚊既工作.....

到落山果陣雙手有十幾撻蚊懶....仲要比白紋d蚊咬...

跟住就出發去拜第二個喇...

先坐十分鐘巴士~以前就要行四十分鐘上山既.....但今日無封路...

搭的士上去用左5分鐘....超灰....無得睇班老野辛苦既樣~

跟住3點先散ben..........

跟住一個人搭巴士番屋企啦~開心既事情終於出現@.@

坐上層既人唔多, 而且有好多空位~

過再幾個站之後有一家人上左黎(啊爸、啊媽、妹妹x2*一個手抱既)

開頭就啊媽坐我隔離, 但後來妹妹話要同啊媽調位@o@

調再位無耐就訓著左=_=仲要"I"住我訓~!@#$%^&*()_

果種心情真係~~~~~

本應今日可以朝早番學溫書....

可惜不敵睡魔既侵襲...起身→訓番.....

到左中午先番=_=

見反正有d時間就食埋lunch先番去...

先黎一碟勁辣多飯既黑椒豬柳飯~加上野飲遲遲都唔黎~

死左九成.....最後一擊~凍奶茶+不明飛行物體(暢泳中的)

死晒=__=

食完一個地獄午餐番到去...就開始問數....

我就做左半頁紙都未做完...比"數王"一做....

4行字搞掂...........

點算好呢........仲諗住追得上"數王"d程度...點知都係....差好遠.....

搞到無晒心情....跟住就去左同人傾計....

傾咩??日文幼兒班........

溫書邊左學日文.....

雖然識得唔係好多....但都好過d聽開日文又唔識寫唔識讀唔識解既人@.@

即刻有番心情~~可惜唔係溫書果方面.........