`今日早上，我同婆婆同埋家姐一起去飲茶，本來我呀媽可以去既，但佢要返工，冇得去
就係我地離開家去茶樓時，我比媽咪留下一個飛吻 (嘻嘻!)
跟住，我地去搭14號巴士去觀塘其中一間茶樓搵1張大枱同埋6椅子既位，等大姑媽、大表姐、表哥來。
等呀等呀，足足等左有成30分鐘，佢地先到，個時，我就快餓死。
又等左一間，有野食啦，我就即刻食食食(我好為食xd)，我唔介意人地既眼光，心有一個念頭:有咩就食咩啦，唔好諗咁多!
食左大約30分鐘，我就飽啦。(飲埋杯茶，講:呼~!)
就係埋單時，大姑媽同我婆婆就爭比錢埋單。
佢地爭個不停...
婆婆:「我比錢啦!你唔洗比啦!太客氣啦!」
大姑媽就話:「咩呀?我比先岩呀，你一把年紀就唔好亂用錢啦!我比!」
婆婆又話:「唔係呀!我比呀!」
大姑媽就話:「哎呀呀!我比啦!」
我心諗: 點解d女人咁鍾意爭埋單既?
就係呢個時侯，埋單既服務員來了，佢地就搶張單睇下幾錢，就比左大姑媽搶，呢個時候，呀婆婆又搶，結果婆婆搶唔到，就對大姑媽話: 「比我睇下先啦!」
大姑媽就話: 「痴線!」
婆婆就話:「係呀!我係痴線呀!你咩都岩哂啦!比我睇啦!」
大姑媽就係點都唔肯比婆婆睇，就拿起銀包拿了一張令我發光的500蚊紙幣。
我心又諗:洗唔洗爭成咁呀!
最後，都係大姑媽比左錢，呀婆婆居然唔認輸，自己拿起了銀包拿出400蚊比返大姑媽。
大姑媽就話:「唔洗啦!我唔要!你收返啦!」
婆婆就話:「你比左錢，我就一定要還返錢比你!來，你收左去啦!」
大姑媽極都唔肯收，最後都係收左啦。
到最後，我地就離開茶樓，表哥同婆婆落去先，我、大姑媽、我家姐留左茶樓一陣。
呢個時候，大姑媽趁婆婆落左去時，將400蚊比家姐，吩咐叫家姐將400蚊返屋企先比返呀婆婆。
我心又又諗: 大姑媽洗唔洗咁客氣呀!?
最後，我地各自道別，各自回家。
我又又又諗:女人真係煩到頂唔信!
|
