今朝終於都無唔知醒la~~kaka!!

返到學校上victor堂,估唔到今堂係睇牒,但係我都係無乜點理佢,
繼續做自己野....haha~~

跟住ge兩堂eng堂,做open cloze,諗住冼伯唔會鬧la~~
點知......佢又話la~~今次我咪同佢撐到衡law~~
佢問我做緊咩,我咪答番佢做緊open cloze,
跟住佢聽完無出聲,咁我咪繼續做law~~
then佢見我繼續做,又叫我收埋佢la~~
今次我咪聽佢話收埋佢law~~but對眼bear住佢...
因為佢仲講緊話咩呢d野應該平時自己得閒果陣做wor,
唔係應該喺課堂上面做,佢仲講左好多野~~
果陣我心諗:"如果你講d野係有建設性ge~我會唔聽咩?"
但係佢講d野真係好廢,廢到唔想再聽.....
之前喺佢堂做其他科ge 野,佢話我,我無聲出la~~
但依家做番eng科ge 野,佢又話....咁算點ar!!
佢理我咁多做乜啫....由我自己操咪算law~~
"你咪當我唔存在law~~~我喺你堂上做你果科ge 野,已經好俾面你ga la~~你仲想點?"

跟住過多一陣,佢又喺度話我地唔聽佢書,咁我終於忍唔住la~~
反駁左佢....."咁我地無書ar ma...你個投影片淨係得d answer,我地睇來做乜?又唔明講緊d乜wor!"
跟住佢就叫我地犧牲下買番本書wor..又話上堂果陣又可以學到好多野,對我地會考有用wor!
如果係另一位較好ge 老師教,我會聽law....但係佢.........
學vicky咁講....我地喺呢度讀得果半年...做乜係都要逼我地買果本gramma~~百幾蚊ga~~
等於我地成個星期ge 食飯錢,如果你真係咁想我地聽,你犧牲下,買埋本書俾我地law~~

小息,落左去搵miss鄭,諗住叫佢簽名,但搵唔到人~~

中文堂,有人睇堂,成堂係度討論問題...都幾好玩ar~!!
maths堂就一堂對04 mc,一堂攞左來採排~~
我有份送花....=.=""仲要送俾victor~~唉~~

lunch,去左扒王食,食到好飽ar~~~
應該係話呢2日都食到好飽,到左食dinner時間,都依然好飽....

lunch完之後第一堂,本身我地要test ga~~
但臨時變左採排...正ar!haha~~
big珍講左下大概ge流程,跟住我地就換衫la~~
佔半班人著左班衫....
落到禮堂...凍凍!!!早知著多件衫喺入面la~~

坐喺台下睇其他班ge 惜別表演,感慨良多,仲感動到有少少眼濕濕~
雖然依家距離離別ge日子仲有2個月左右,但都感受到即將離去果份憂傷~
相比上年,今年ge 惜別feel好好多~~或者因為上年段片搞到頹左la~~
到左我地上台果刻,話唔緊張就假ge....面對全校師生wor~~

但係唱唱下歌就定左好多la~~我地今日唱左2首歌(本身應該3首,但唔知點解cut左一首)
分別係friendship 4ever, 幼稚園~
miss鄭俾我地整喊左ar~~~hehe
等到全部畢業班表演晒都成5點3 la~~
今日d老師真係大豐收....收到勁多gift la~~~haha

放左學之後留喺班房做04 maths past paper~~
因為過2日要交俾拔尖個miss la~~唉....
計計下MK上到來,見佢喺度唉聲嘆氣,所以就出左老師台度坐la~~
坐坐下變左成堆人圍住張台一齊溫書....
不過感覺都唔錯ar~~haha

6點半就開始離開學校返屋企lu~~