返左大陸幾日,大家有無掛住我呢?!咔咔....我諗都無ga la~~
不過唔緊要la~,反正我今次返到大陸都幾好玩.....haha~

首先第一日返到去就即刻去左公公屋企la....去佢果度食飯ar ma~~
今次應該係第二次見到佢個工人,之前真係聽左佢唔少壞話,而且...
舅父,舅母佢地全部都唔鐘意果個工人喎,但係公公又爭住個工人,
所以就搞到舅父,公公佢地既關係好僵,舅父仲聲言以後唔會再理公公d野~~
講真果句,我對個工人都無乜意見ge,或者因為我真係見佢唔多la~~
不過聽阿媽佢地講個工人真係講得好唔掂law.....
如果可能的話,我都希望公公可以請過第2個,畢竟因為佢,
搞到公公,舅父佢地父子感情受損ar ma~~
若果換過第2個,一切都可迎刃而解,那又何樂而不為呢?

食完飯就上左去表姐屋企玩law...表弟,表姐都放左假lu...真係好...haha~~
之前每次返去,佢地都多數要返學,見唔到面....
上到去表姐屋企都係一齊傾下計咁啫...

跟住第2日一早就出去飲茶la~~連我果個曳曳表弟都有來....haha~~
大舅母仲話我地咁都請到佢來真係勁tim~~
飲完茶就同表弟表姐一齊去行街,我地去左百佳買野食先,
跟住就去左一間雪糕店度食雪糕,今次係個曳曳表弟請ga~~真係好難得!
聽佢講,佢話佢依家係玩online game來earn money用ge,真係估唔到....
但係又好似幾好賺wor....一個月都有幾百蚊,仲要係唔使做果隻....good!
可惜我打機唔在行la~~haha~~

行完街街就返番表姐屋企睇頭D,都幾好睇wor...
比我預期中好....keke~~
then都係玩下電腦咁la~~

夜晚就同阿媽出去行街,嘩!!買左好多野ar....
阿媽一掃就掃左3對鞋,勁......跟住o係一間化妝店度,阿媽又買左d野,
而我...keke.....
好快就1日lu......haha~~

而今日訓到9點幾就俾阿媽叫醒落去買豆腐花,
真係有幾年無食過果個人整ge豆腐花la~~
但係依然都係咁滑wor....haha~~
暫時食過咁多間野ge豆腐花,始終無一間比得上佢,
可惜就係佢果d豆腐花淨係朝早既某一個時間先有得賣,
有時想食都搵唔到果個人ga~~~

跟住落來ge時間都係執野law...準備出來ar ma~~

講番起搭車出來果part,真係幾驚心動魄......
依家諗起都心有餘悸ar~~
話說我搭出羅湖既專綫小巴係要出去某一個地方ge....距離屋企都幾遠下....
咁阿媽就提議搭摩托車la~~
由於我今日著裙,so我無可能好似平時著褲咁坐ga ma~~
坐到上去,果個人真係開得勁快,嚇到我不得不捉緊少少....
真係仲刺激過玩過山車..............

後尾去到搭小巴果度先知間公司又轉左去第二個地方,
經人指導,我地搵左好耐下先搵到上車ge地點,
唉....講起來都幾黑仔,因為我地未上車,
已經落起雨上來la~~勁大!!!
搞到我成身都幾乎濕晒ar.......

跟住都一帆風順咁返到來香港la~~~haha