打番呢2日ge日記先...

26號果日swim完之後呢,我到夜晚7點鐘先開始返大陸wor...haha~~
好似好夜咁,不過無計,因為打電話返去俾表弟,佢地話果邊無電,
我同細佬都費事咁早返去熱la~~haha~~
後尾返到平湖,都係夜晚8點半咋wor...好快ar...
咁我同細佬就入左間超市度buy水,野食la....

buy完野就慢慢咁行返屋企,都好近啫,10分鐘已經到lu....
返到去地下又係鋪晒塵,仲好鬼"線",搞到我又仆親la~~唉.......

跟住都係睇下電視咁啫...

第2日9點幾俾細佬嘈醒左,佢話佢要洗水池,叫我快d刷牙洗臉,
如果唔係等陣無水唔關佢事wor....
咁我就拿拿淋起身la~~
但係搞完之後,細佬先同我講話個水池入面有幾恐怖...
佢話入面積左d泥有成寸厚,係泥入面仲佈滿晒紅蟲....
仲有勁多蚊tim...................... (好驚ar!!!)

痴線ga~~咁平時d人咪食埋食埋好多污嘈水law....
不過依家洗左,應該乾淨番唔少ga la~~haha

下午就去左表姐home玩左一陣,跟住同細佬出街,
本來佢諗住去睇牙ga~~不過果個人硬係要話佢d牙無事,
所以就唔使睇la~~仲有錢俾我地揮霍tim~~haha

then我就同細佬去M記食野....(lunch都未食...好肚餓ar~~)
我叫左個麥辣雞腿包,嘩........痴線ga...真係越食越辣...
食到最尾幾啖我已經唔想再食落去la~~~跟住又試埋個荔枝特飲,ok la~~
食完野就去行街la~~buy左一件衫同埋一條褲,用左60蚊咋wor...超扺...全靠我口才了得咋~haha

行完街,返屋企攤左一陣,就上去表姐home食飯la~~
食完飯係佢屋企玩到10點先走,佢地本來叫我同細佬係佢度訓ge...
不過我覺得始終係屋企舒服d~~

跟住就係今日la~~
今朝8點幾起左身,因為應承左舅母今日同佢地一齊去飲茶~~
咁我換完衫就同細佬一齊上lu....等左一陣,我地就去到酒樓lu.....
係果度都見到好多熟人下.....haha
飲完茶就同佢地一齊去買餸and又返番表姐home玩...
lunch都係果度食埋.....呢2餐飯都係表弟煮ge....唔錯唔錯....幾好味.....haha
表弟d手勢連我阿媽都稱讚ga~~~

食完完野,就同細佬返屋企執野準備走la~~
但係好搞野,我地出到去搭車果陣,又周圍走,行多成個鐘先去搭車....
搞到出到來香港都成4點鐘lu....
跟住我上左library諗住借書....點知....原來今日休息wor....too bad!!