2008年8月19日
果日去左沙灘,
班人勁遲先黎,搞到等左好耐,不過都冇咩野,只係熱左少少,係咁出汗...
落左去條勁長既樓梯之後,就送左份禮物比可怡^^
跟住就搵左燒烤爐,燒左陣野食,就落左海灘玩...
個沙灘好鬼好石,行果時有d痛>_<
本來都玩得好地地,但係玩玩下有個衰人係到dup沙...
最衰就係dup到我... .\ /.
隻左眼中哂佢d沙,d沙入哂落去,果時痛都想死T^T
仲好想打佢,不過我都冇郁手@@
之後去左照鏡,發覺隻眼紅到好似流緊血咁,入面仲要有勁多沙,果時見到真係驚我1跳-口-
我係咁洗係咁洗,但係d沙仲係度,痛到咩野咁>﹏<
跟住去左個救護室,佢比左枝野我洗...
洗完之後發覺都係唔得,搞到我唯有死頂,都唔知點算好-_-"
之後換左衫,就繼續燒野食
晏少少之後,可怡就拆禮物
我送左隻小熊維尼公仔比佢,佢話好得意,不過係真係假,就唔知啦!^_^
冇幾耐又燒過...
我到8:12p.m.就走lu
返到屋企,隻眼仲係超痛,仲係好紅,好似人地紅眼症咁!
到而家1:54a.m.
隻眼都係好痛,好紅,仲有好多沙係入面,可能要去睇醫生T^T
|
