經過尋晚趕工之後，仲起到身都算好，今日返training，無咁悶，有得挑下機，d時間都過得快d，放工之後打比呀爺，同呂呂佢地爺食飯，搭mtr去旺角等佢地，由於佢地無咁早出來，就係旺角球場睇人踢波，d人真係好勁，我都想有咁ga技術，可惜~~~係到睇左好耐，佢地先來到，跟住雪碧都唔知係咪係條街到撞靚仔，係咁帶我地兜圈，話搵間店，但又唔知店叫咩名喎，條路又唔記得點行，玩咩??兜左成個旺角之後決定去食韓燒，今次几好，有人自動要求做呀四，唔使出去拎野食，都有得食，潘潘原來你有爆笑制，一開左就有排先熄到，都几搞笑，仲好易開呢個制，次次見到你都開下你先^^食完之後去影貼紙相，呢樣野好耐都無影過啦，不過次次影完都唔知掉左去邊，今日應該唔會啦，佢地個個過膠，我又整埋成張，唔會唔見掛，係呢到都逗留左勁耐，跟住搭mtr返home啦，好耐無出過夜街啦~~