前一兩日...心血來潮好想打blog...
但係....登入極都入唔到...激死人><"
有好多野都好想記低...
但係我又懶..無寫o係本日記簿到..
點知blog又打唔到...
...直至依家先登入到...囧囧囧.....

琴晚終於都落大雨喇....等左好幾日...
我知個天係會落架...= =""因為呢幾日好多飛蟻飛入我間房
證明左...落雨既日子到喇...wahaha*正到爆...
一落大雨...不其然既興奮冒上心頭...好舒服既感覺...
我由得個窗大大咁大開...由得大風吹入房間...
亦由得大滴細滴既雨水飄入房....再降落在每一處既地方
真係有一刻..想不顧一切......衝出呢個門口~

最後...好快就停左雨喇>3<"...連雨味都一併消失..
哈哈...跟住都係同個傻妹...落左去...
不過我就同佢約法三章...落無問題...但12點前都等唔到有雨落..都要返屋企
@@"...好啦..佢乖乖就範....hehe..
去左佢樓下個公園附近坐低...聽下mp3...傾下偈咁...
依家個天氣令人感到好舒服.....涼涼快快..
真係唔想咁快走...
..但係呢....d蚊蚊就正啦...有得開餐/_\
之後..買左兩支柑桔檸檬...始終都係凍既好飲..
哈哈...因為有次我o係味皇試過叫熱既柑桔檸檬飲...真係..真係好難飲架
好喇...連12點都過埋...都仲係未返...之前既三章做唔到lu...
無計啦...其實連我都唔想咁快走...
不過點都好...坐多陣...就返屋企......
但...今次係各返各....唔知呀...唔係唔想過呀媽到...
um....講唔出....傻妹唔好嬲我呀..

返到黎..第一時間沖返個靚涼...
嘩...舒服晒~~沖左個凍涼....涼浸浸....起雞皮..但沖得舒服...哈
跟住上msn...哈哈...估到到即刻就有人搵我..
仲陪我傾偈傾咁耐...仲玩埋大踢爆..搞笑
當然都有同個傻妹傾啦...不過佢好快就去覺覺lu..
因為佢仲要返學嘛..唔係頭先坐夜d都唔緊要啦..仲洗咩約章wo..

p.s.1.從中刪除左唔開心既事情

p.s.2.呢幾日...一直都有你陪我^^多謝....傻妹

p.s.3.琴晚真係諗起好多好多既回憶....哈哈~

---------------------------------------------------------------------------------------------------

至於今日....訓到一點先捨得起身....
哈哈..仲用左半個鐘既時間..o係張床到碌黎碌去...

今日既早餐..亦係lunch...又挨飯盒咯=0=
唔知做咩.....呢排真係非常之無咩胃口...
點解會咁架.....><"食得比平時..少左..少左...好多
唔通患上厭食症....誇張左...wakaka

睇黎又無所事事咁樣....又一日..
唔講咁多....
....追小說先...哈哈